Qoǵamdyq keńes otyrysy

Keshe Astanada «Atameken» QUEP janyndaǵy Kásipkerlerdiń quqyn qorǵaý jónindegi qoǵamdyq keńes oty­rysy ótti. Oǵan Májilis depý­tat­tary, Bas prokýratýra, Salyq ko­mıteti, Kedendik baqylaý komıteti, Qarjy polısııasy, kásipker­ler­diń óńirlik uıymdary, Advokattar odaǵy ókilderi qatysty. Basqosýda zańnamalyq jáne normatıvtik aktilerdi ózgertý jóninde usynystar aı­tyl­dy, sondaı-aq Qaraǵandy qala­synan jeke kásipkerdiń ótinishi qaraldy. Kásipkerlerdiń quqyǵyn qorǵaý jónindegi qoǵamdyq keńes kásipkerlik qyzmetke zańsyz aralasý faktileriniń jolyn kesý jáne ákimshilik keder­gi­ler­diń aldyn alý maqsatynda qurylǵan bo­latyn. Kásipkerler qoǵamdyq keńeske óz quqyqtary buzylǵanda naqty qoldaý jasaýǵa ótinish bere alady. Keńes maq­saty – kásipkerlerge naqty quqyqtyq kómek berý, kásipkerlik qyzmetke taldaý jasaý jáne zańnamalyq, normatıvtik aktilerge ózgerister usyný. Qoǵamdyq keńestiń birinshi otyry­sy­nyń kún tártibinde memlekettik ba­qy­­laý jáne qadaǵalaý salasyndaǵy zań­na­ma­daǵy, lısenzııaly-ruqsat berý júı­­e­sindegi kemshilikter, sondaı-aq jalǵan kásipkerlik boıynsha quqyq qoldaný is-tájirıbesi sekildi bıznes-qaýymdastyq úshin ózekti máseleler kóterildi. Qolda­nystaǵy zańdardy túr­li­she túsinýdiń oryn alyp otyrǵanyn keńes músheleri aldynda ashyp kórsetti. Bizdiń palatamyzdyń osy Qoǵamdyq keńesti qurýǵa bastama berýdegi maq­sa­ty – bıznestegi qalyptasqan ahýaldy jaqsartý boıynsha naqty nátıjelerge qol jetkizý, – dep atap kórsetti bas­qar­ma tóraǵasy Abylaı Myrzahmetov. – Biz Qazaqstandaǵy kásipkerlikke qa­tys­ty ótkir máselelerdi kóterýge nıettimiz. Osyndaı keńester ótkizý turaqty oryn almaq jáne ol óńirlerde de ótetin bo­la­dy. Kásipkerlerge qatysty laýa­zym­dy tul­ǵalardyń zańǵa qaıshy bar­lyq áre­ket­teri boıynsha quqyqtyq jáne qoǵamdyq baǵa berilip, keńes sheshimderi memlekettik organdarǵa jiberilip turady. «Egemen-aqparat».