Búgin «Nur Otan» partııasynyń Ortalyq apparatynyń konferens-zalynda «Azamattyq bastamalardy qoldaý ortalyǵy» kommersııalyq emes aksıonerlik qoǵamynyń grant alýshylary jobanyń júzege asýy men nátıjesi týraly esep beredi.
Bıyl Ortalyq memlekettik granttardy berý úshin 3 baıqaý ótkizdi. Nátıjesinde elimizdiń 49 úkimettik emes uıym 618, 595 mln. teńgege 57 granttyq jobany júzege asyryp jatyr. Áleýmettik salanyń 12 baǵyty qamtyldy. Jalǵyz donor – Qazaqstan Respýblıkasynyń Din isteri jáne azamattyq qoǵam mınıstrligi. Barlyǵy 327 ÚEU-nan 512 ótinish tússe, el aımaqtarynan 173 uıymnan 245 ótinish tústi. Onyń ishinde, 52 ótinish Shyǵys Qazaqstan oblysynan, 45 ótinish Pavlodar enshisinde bolsa, 29-y Qaraǵandy oblysynan túsken. Eń tómen belsendilik tanytqan Batys Qazaqstan oblysy – 4 jáne Atyraýdan 2 ótinish qabyldandy.
Alǵashqy baıqaý ótkennen keıin, tipti, jobalardy júzege asyrý barysynda da azamattyq qoǵam ókilderi arasynda granttardyń júzege asyrylýy, grant ıegerleriniń jumysynyń ashyqtyǵy týraly suraqtar týyndady. Búgingi is-shara qordalanǵan osy suraqtarǵa jaýap bere aldy: qyzyqty suraqtar da, jasalǵan jumys nátıjesi de, «erekshe balalardyń» analarynyń grant aıasynda qolǵa alynǵan jobaǵa alǵysyn bildirip, ári qaraı da qoldaý kórsetý týraly analyq ótinishi de boldy.
Kezdesýde baıqaýǵa qatysqan ózge de ÚEU ókilderi grant ıegerlerine tikeleı suraqtaryn qoıyp, grant aıasynda ne istep, qandaı nátıjege qol jetkizgenderin suraı aldy.
«Azamattyq bastamalardy qoldaý ortalyǵy» AQ Basqarma Tóraǵasy Nurlan О́teshev kezdesýdiń osyndaı formasy ÚEU-ǵa usynyp otyrǵan qyzmetiniń standarttaryn jetildirip, qoǵamǵa granttardyń qalaı júzege asyp jatqandyǵy týraly habardar bolýǵa múmkindik beretindigin aıtty. Ortalyq mundaı kezdesýlerdi jylyna keminde eki ret uıymdastyryp otyrýdy josparlap otyr.
Qazaqstanda memlekettik qoldaýdyń bir túri - granttyq mehanızmge degen qyzyǵýshylyqtyń jyl sanap artyp kele jatqanyń myna kórsetkishten-aq baıqaýǵa bolady. 2016 jyly jumysyn bastaǵan Ortalyqqa alǵashqy jyly 88 ótinish tússe, 2017 jyly bul kórsetkish 512-ge jetti, onyń ishinde 245 ótinish elimizdiń óńirlerinen túsken.
Úkimet keler jyly da ÚEU-dy granttyq qarjylandyrý aıasynda qoldaýda josparlap otyr. 2018 jyly Qazaqstan Respýblıkasynyń Din isteri jáne azamattyq qoǵam mınıstrligi úkimettik emes uıymdarǵa 900 mln. teńgege 79 grant bólmek. Bul týraly Azamattyq qoǵam isteri komıtetiniń Tóraıymy Álııa Galımova aıtty.
Onyń aıtýynsha, 2017 jyly granttyq qarjylandyrýdyń ashyq ótýine qatysty is-sharalar qolǵa alynǵan, al kelesi jyly sarapshylardyń reestr qyzmeti iske qosylatyn bolady.
Bıyl aralyq esep boıynsha, granttyq jobalar aıasynda 19 keshendi zertteý, 8 áleýmettik qyzmet, 5 veb-resýrs ashylyp, 4 senim telefony halyqqa qyzmet kórsetýde. 131934 adam qamtylǵan 392-ge jýyq is-shara uıymdastyrylyp, 39 ulttyq jáne 7 halyqaralyq sarapshy tartyldy.