Shámshi Qaldaıaqov atyndaǵy Ońtústik Qazaqstan oblystyq fılarmonııasynyń «Nuryn shashqan Ońtústik» atty konserti Oral jáne Aqtóbe qalalarynda ótti.
Aıtýly kesh shymyldyǵyn «Elbasy qory» syılyǵynyń laýreaty, halyqaralyq baıqaýdyń bas júlde ıegeri «Qazyna» bı ansambli «Qara jorǵa» bıimen ashty. Munan soń kórermender ulttyq ónerimizdi shetelderde nasıhattap júrgen mádenıet maıtalmany Aqmaral Bınazarova, QR Mádenıet qaıratkerleri Súndet Mıralıev jáne Aıjan Táshenova, Aınur Nurashova sekildi ánshilerdiń oryndaýynda «Shámshi ánderinen popýrı», «Báıdibektiń jaılaýy», «Bozbala», «Elge sapar», «Dombyra» ánderin tyńdady.Atalǵan mádenıet ókilderiniń ónerin «Súgir» atyndaǵy qazaq ult-aspaptar orkestriniń janynan qurylǵan «Tumar» folklorlyq ansambli súıemeldedi.
Al qarasha aıynda Batys Qazaqstan oblystyq Ǵarıfolla Qurmanǵalıev atyndaǵy fılarmonııa jáne Ǵazıza Jubanova atyndaǵy Aqtóbe oblystyq fılarmonııa ártisteri bizdiń óńirge kelip konsert qoımaqshy.
Búginde Ońtústik Qazaqstan oblysyndaǵy Sh. Qaldaıaqov atyndaǵy oblystyq fılarmonııada 250-ge jýyq ónerpaz qyzmet etedi. Sodaı-aq bıyl «Súgir» atyndaǵy qazaq ult-aspaptar orkestri 15 jyldyq mereıtoıyn toılaýdamyz. Qasıetti Jaıyq óńirimen ornatylǵan mádenı baılanysymyz máńgilik bolsyn! – deıdi Sh. Qaldaıaqov atyndaǵy fılarmonııa dırektory Nursát Beıseqojaev.