Innovasııalyq jobalar pysyqtaldy

Keshe Astanada «Samuryq-Qazyna» UÁQ» AQ basqarma tóraǵasy Tımýr Qulybaev qor kompanııalarynda atqa­ry­lyp jatqan ınnova­sııa­lyq joba­lar­dyń damý má­se­le­leri týr­a­ly jumys keńesin ótkizdi. Jumys keńesine «Samuryq-Qazynaǵa» enshiles iri kompanııalar men ulttyq kompanııalar bas­shylary qatysty. Olar óz sa­la­lary boıynsha atqarylyp jat­qan ınnovasııalyq jobalardyń damý barysy jóninde egjeı-tegjeıli esep berip, olardyń qazirgi tańda qanshalyqty júzege asy­rylyp jatqandyǵyn aıtyp ótti. Keńesti asha otyryp, basqarma tóraǵasy Tımýr Qulybaev ın­no­va­sııany damytý baǵyty el eko­nomıkasynyń negizgi basym­dyq­ta­rynyń biri bolyp tabyla­tyn­dyǵyn atap ótti. Holdıngte IJО́ 60%-yna deıin quraıtyn mem­le­kettiń negizgi ekonomıkalyq aktıvteri shoǵyrlanǵanyn eskere otyryp, qor kompanııalarynyń ózi ınnovasııalardy engizý isinde birinshi bolyp úlgi kórsetip, nátıje shyǵarýy kerek. Osyǵan baılanysty, «Samuryq-Qazyna» AQ basshylyǵy enshiles kompanııalardyń 10%-ǵa deıingi taza tabysty ınnovasııalardy damytý men engizýge bólýi jóninde sheshim qa­byldady. Keńeste sóz sóılegen «Qazaqstan temir joly» UK» AQ-tyń basqarma tór­aǵasy Asqar Mamın men «Qazatom­óner­kásip» UAK basshysy V.Shkolnıktiń pikirine den qoısaq, qazirgi tańda negizgi mindet retinde kompanııalarda ınno­vasııalyq jobalardy yntalandyrý men damytý jónindegi júıeni durys uı­ym­dastyrý alda tur. Bıyl «Samuryq-Qazyna» UÁQ ın­novasııalyq baǵytty 7 kompanııa arqy­ly qarjylandyrýdy 5 esege kóbeıtpek.  Bul týraly «Samuryq-Qazyna» UÁQ basqarma tóraǵasynyń orynbasary Qýandyq Bıshimbaev baıandap ótti. 2015 jyly ınnovasııaǵa bólinetin qarjy 72 mlrd.teńgege jetpek. Onyń aıtýynsha, qor ınnovasııalyq jobalar tizbegin qalyptastyrýdy bastap ta ketken kóri­nedi. Qazirgi ýaqytta onyń qatarynda 19 joba bar, atap aıtsaq, qor tizimine «QazMunaıGaz» AQ 6 joba, «Qazaqstan temir joly» AQ – 6, «Qazatomóner­ká­sip» UAK 4 joba, «Qazaqtelekom» AQ, «Qazposhta», «Kegok» AQ 1 jobadan engizgen. Keńeste ınnovasııalyq mádenıetti engizý jáne kompanııalarda ǵalymdar men ınjenerlerdiń bilikti komandasyn qalyptastyrý qajettigi aıtyldy. Son­daı-aq enshiles uıymdardyń menedjmentine tehnıkalyq jáne basqarý per­sonalyn ázirleý jónindegi is-shara­lardy ózderiniń kadrlyq baǵdarla­masyna qosý tapsyryldy. Venera TÚGELBAI.