Eleýli áleýmettik kómek

Jaqynda Pavlodar qalasynyń №1 aýrýhanasynda Eýra­zııa­lyq  tabıǵı resýrstar korporasııasy (ENRC) men  ENRC Kó­mek korporatıvtik qory áleýmettik kómek retinde arnaıy satyp alǵan medı­sı­nalyq jabdyqtardy tapsyrýdyń sal­ta­nat­ty rásimi bolyp ótti. Jalpy quny 311 mıllıon teń­ge bolatyn bul arnaıy me­dı­sınalyq jabdyqtardy ENRC korporasııasy 2011 jyly áleý­met­tik jobalardy júzege asyrý týraly Pavlodar oblysy ákim­shiligimen jasasqan memorandým aıasynda satyp alǵan. Sóıtip, Pavlodar qalalyq №1 aýrýhanada ortopedııa, travmotologııa, hırýrgııa jáne neırohırýrgııa sala­synda qoldanylatyn zamanaýı rentgen apparattary ornatyldy. «Endi oblys turǵyndary jańa zamanaýı medısınalyq apparat­ta­rdyń ıgiligin kóretin bolady. Qalalyq aýrýhanalardyń dáriger­leri osy jańa qondyrǵylar qoı­ylǵan ortalyqta ózderiniń teo­rııa­lyq jáne tájirıbelik qabi­let­terin shyńdaýǵa múmkindik al­dy», dedi saltanatty rásimde sóılegen «Qazaqstan alıýmınııi» AQ vıse-prezıdenti Muratqazy Janǵazaqov. Jyl saıyn ENRC Tobynyń Qazaqstandaǵy kásiporyndary jáne ENRC Kómek korporatıvtik  qory óńirlerdiń áleýmettik da­mýy­na qomaqty ınvestısııalar salady. 2011 jyly áleýmettik jo­balardy júzege asyrý boı­yn­sha Aqtóbe, Qaraǵandy, Qostanaı jáne Pavlodar ákimshilikterimen jasalǵan memorandýmdar aıasyn­da korporasııa osy maqsatqa 5 mlrd. teńge baǵyttady. Jylqybaı JAǴYPARULY.