Qazaqstan Respýblıkasynyń Syrtqy ister mınıstrligi Qyrǵyzstanda bolyp ótken prezıdenttik saılaýdyń aldyn ala nátıjelerine baılanysty keshe málimdeme taratty. Onda bylaı delingen: «Qazaqstan Respýblıkasy Qyrǵyz Respýblıkasynda tynysh jaǵdaıda jáne ashyqtyq aýanynda ótip, el azamattarynyń erikterin bildirýlerin qamtamasyz etken prezıdenttik saılaýdyń aldyn ala nátıjeleriniń qorytyndylarymen quttyqtaıdy. Biz baýyrlas eldiń tańdaýyn qurmettep, saıası turaqtylyqty nyǵaıtýǵa baǵyttalǵan kúsh-jigerdi, Qyrǵyzstandy ekonomıkalyq jáne demokratııalyq turǵydan odan ári damytýdy dáıektilikpen qoldaıtyn bolamyz. Qazaqstan Qyrǵyz Respýblıkasynda ótken saılaý elde beıbitshilik pen kelisimdi saqtaýǵa, jasampazdyq baǵytymen ilgerileýge yqpal etetinine senim bildiredi».