Búgin Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev OMV kompanııasynyń basqarma tóraǵasy Raıner Zelemen kezdesý ótkizdi, dep habarlaıdy primeminister.kz.
Kezdesý barysynda kompanııamen yntymaqtastyq ornatý jáne Qazaqstanda birqatar birlesken ınvestısııalyq jobalardy iske asyrý máseleleri talqylandy.
Aıta ketsek, OMV kompanııasy - Avstrııanyń eń kólemdi lıstıngtik ónerkásiptik kompanııalarynyń biri, Ortalyq Eýropadaǵy iri munaı kompanııasy. OMV Atyraý oblysynda polıetılen óndirý jobasyn iske asyrýdy josparlap júrgen Borealis kompanııasynyń 36% aksııasyna ıe. OMV aksıonerleri: Mubadala (Ábý-Dabı) - 24,9%, ÖBIB (avstrııalyq memlekettik ónerkásiptik holdıngi) - 31,5% jáne aksııalarynyń 43,6%-y erkin aınalymda. Kompanııa Qazaqstanda 2004 jyldan beri qyzmet isteıdi jáne ol Mańǵystaý oblysyndaǵy Komsomolskoe, Tasbolat, Aqtas, Túrikmenoı ken oryndarynda jer qoınaýyn paıdalaný quqyǵyna ıe «Kom-Munaı» JShS (95%, 5% - qazaqstandyq seriktester), «Tasbolat Oıl Korporeıshn» JShS (100%) qatysýshysy.
Kompanııanyń barlyq kezeńdegi ınvestısııalary mıllıardtan astam dollarǵa teń.