Jarqaıyńdyq dıqandar tabysy

Astyqty Aqmola oblysy merekeli jylǵy egin oraǵyn bu­ryn-sońdy bolmaǵan rekordty kórsetkishpen aıaqtady. Qambaǵa 6 mıllıon tonnadan astam yryz­dyq dáni jetkizildi. Mu­nyń 1 mıllıon 25 myń tonnasy Jarqaıyń aýdany dıqan­dary­nyń úlesinde. Aýdan ákimi Amanbek Qal­ja­nov gazetimizdiń tilshiler qo­sy­na habarlaǵanyndaı, barlyq 509 myń gektar alqaptyń ár gek­ta­ry­nan 20 sentnerden astam qy­zyl dán jınaldy. Jańa ónimniń sapa­sy da joǵary. Iаǵnı, onyń qamyr­lylyǵy 30 paıyzǵa deıin jetedi. Rekordty ónim – jarqaıyń­dyq dıqandardyń, alǵashqy tyń ıgerýshiler urpaǵynyń qajyr­ly eńbeginiń, jer óńdeýdiń za­ma­nalyq tehnologııasyn engizý­diń, jańa ári qýatty tehnı­ka­lar­dy paıdalanýdyń, joǵary sapaly tuqymdyq materıaldy qoldanýdyń, barlyq istegi uqyp­tylyq pen tıimdiliktiń jemisi. Jarqyn júzdi jarqaıyń­dyq­tarǵa oblys ákimi quttyqtaý hat joldady. Baqbergen AMALBEK, Aqmola oblysy. Sýrette: Aýdan ákimi A.Qal­­janov «Kostychev» jáne «Te­mirlan» JShS dı­rek­tor­lary B.Qabjanov jáne E.Alınmen birge jaıqalǵan eginjaı te­ńi­zinde.