«Astana» fýtbol klýby 23 qarasha kúni Eýropa Lıgasynyń toptyq kezeńi aıasynda ıspanııalyq «Vılıarreal» komandasyn qabyldaıdy. Match «Astana Arena» stadıonynda saǵat 22:00-de bastalady.
Eki komanda arasyndaǵy oıyndy kórý úshin elimizdiń túkpir-túkpirinen jankúıerlerdiń keleri anyq. Al olar Astanaǵa kelýi úshin qansha qarjy jumsamaq?
Ekibastuz – Astana – Ekibastuz
Temir jol bıletiniń eki baǵyttaǵy ortasha quny: 3000tg
Qaraǵandy – Astana – Qaraǵandy
Temir jol bıletiniń eki baǵyttaǵy ortasha quny: 3000tg
Kókshetaý – Astana – Kókshetaý
Temir jol bıletiniń eki baǵyttaǵy ortasha quny: 5000 tg
Pavlodar – Astana – Pavlodar
Temir jol bıletiniń eki baǵyttaǵy ortasha quny: 3600tg
Áýe bıletiniń eki baǵyttaǵy ortasha quny: 22000tg
Petropavl – Astana – Petropavl
Temir jol bıletiniń eki baǵyttaǵy ortasha quny: 4500 tg
Áýe bıletiniń eki baǵyttaǵy ortasha quny: 28000tg
Qostanaı – Astana – Qostanaı
Temir jol bıletiniń eki baǵyttaǵy ortasha quny: 5500 tg
Áýe bıletiniń eki baǵyttaǵy ortasha quny: 50000tg
О́skemen – Astana – О́skemen
Temir jol bıletiniń eki baǵyttaǵy ortasha quny: 8000tg
Áýe bıletiniń eki baǵyttaǵy ortasha quny: 35000tg
Atyraý – Astana – Atyraý
Temir jol bıletiniń eki baǵyttaǵy ortasha quny: 15000tg
Áýe bıletiniń eki baǵyttaǵy ortasha quny: 60000tg
Aqtaý – Astana – Aqtaý
Temir jol bıletiniń eki baǵyttaǵy ortasha quny: 15000tg
Áýe bıletiniń eki baǵyttaǵy ortasha quny: 33000tg
Aqtóbe – Astana – Aqtóbe
Temir jol bıletiniń eki baǵyttaǵy ortasha quny: 15000tg
Áýe bıletiniń eki baǵyttaǵy ortasha quny: 37000tg
Oral – Astana – Oral
Temir jol bıletiniń eki baǵyttaǵy ortasha quny: 14000tg
Áýe bıletiniń eki baǵyttaǵy ortasha quny: 65000tg
Shymkent – Astana – Shymkent
Temir jol bıletiniń eki baǵyttaǵy ortasha quny: 9000tg
Áýe bıletiniń eki baǵyttaǵy ortasha quny: 32000tg
Qyzylorda – Astana – Qyzylorda
Temir jol bıletiniń eki baǵyttaǵy ortasha quny: 15000tg
Áýe bıletiniń eki baǵyttaǵy ortasha quny: 38000tg
Taraz – Astana – Taraz
Temir jol bıletiniń eki baǵyttaǵy ortasha quny: 8000tg
Áýe bıletiniń eki baǵyttaǵy ortasha quny: 32000tg
Almaty – Astana – Almaty
Temir jol bıletiniń eki baǵyttaǵy ortasha quny: 9000tg
Áýe bıletiniń eki baǵyttaǵy ortasha quny:30000tg
Bul elimiziń eń iri jáne Astanaǵa jaqyn ornalasqan qalalaryna qatynas quraldarynyń eń tómengi baǵalary usynylyp otyr. Bul kelip-ketý jolyna qosymsha oıyn bıletiniń quny bar ekenin de umytpaǵan jón. Al match bıletteriniń quny 1000 teńge men 5000 teńge aralyǵynda arnaıy sanattarǵa bólingen. Mektep oqýshylary men stýdentterge 50% jeńildik qarastyrylǵan. Zeınetkerlerge (zeınetker ekendigin dáleldeıtin qujattaryn kórsetken jaǵdaıda) oıynǵa kirý tegin.
Sonymen qatar, «Astananyń» dúkenderinde jankúıerlerge arnalǵan atrıbýtıkalar da qoljetimdi baǵada usynylǵan. Máselen, oıyn formalary 7000 teńge bolsa, arnaıy moıynoraǵyshtary 3000 teńgeni quraıdy. Al úzilis kezinde stadıonda tamaqtaný shamamen 1500-2000 teńge kóleminde.
Qorytyndylaıtyn bolsaq, Astanaǵa jaqyn ornalasqan Qaraǵandy, Kókshetaý, Pavlodar jáne Ekibastuz qalalarynan keletin jankúıerler ortasha eseppen 15-20 myń teńge, elimizdiń batys óńirlerinen keletinderge 90-100 myń, ońtústik oblystardan 40-50 myń jáne shyǵys óńirden 30-40 myń teńge kóleminde qarjy jumsalady. Endi osy tusta Eýropanyń eń úzdik bes chempıonatyndaǵy matchqa arnalǵan bılettiń eń arzan quny 100-150 eýro (35000-45000 teńge) kóleminde ekendigin aıta keteıik.
О́zderińiz biletindeı, «Astana» Qazaqstan chempıonatynda tórtinshi jyl qatarynan chempıon atandy. Odan bólek, «Astana» komandasy eýrokýbokter jolynda óz alańynda 17 oıyn qatarynan jeńilmeı keledi.
Endi, Eýropa Lıgasy toptyq kezeńiniń artta qalǵan tórt týryna qysqasha toqtalyp ótsek. «Vılıarreal» komandasy 8 upaımen «A» tobynda kósh bastap tursa, «Astana» ıspanııalyq komandadan bir upaıǵa kem jınap, senimdi túrde ekinshi orynǵa jaıǵasty. Al Chchehııanyń «Slavııasy» 5 upaımen úshinshi orynǵa taban tirese, «Makkabıdiń» qorjynynda bir ǵana upaı bar. Al ızraıldik komanda toptan shyǵatyn múmkindiginen tolyqtaı aırylyp qaldy.
Osy oraıda, toptyq kezeńnen shyǵý múmkindigine «A» tobynda 3 komanda ǵana ıe. «Slavııa» besinshi týrda syrt alańda «Makkabımen» kúsh synassa, «Astana» óz alańynda «Vılıarrealdy» qabyldaıdy. Al ıspanııalyq komanda La Lıga aıasynda 20 qarasha kúni syrt alańda «Atletık Bılbaomen» kezdesip, úsh kúnnen keıin «Astanamen» oınaıdy. Al 26 qarasha Ispanııa chempıonatyndaǵy basty básekelesi «Sevılııaǵa» qarsy oınaıdy. Osy tusta Ipanııa men Qazaqstan arasyndaǵy ýaqyt aıyrmashylyǵy, ushyp kelý uzaqtyǵy, «Astana Arenadaǵy» jasandy alańnyń qolaısyzdyǵy baryn umytpaıyq.