10 qarasha kúni Aqtóbe qalasynda dzıýdodan erler men áıelder arasynda Qazaqstan Respýblıkasynyń Chempıonaty bastaldy. «Jekpe-jek» sport saraıynda ótip jatqan aıtýly dodaǵa elimizdiń 14 oblysynan jáne Astana, Almaty qalalarynan barlyǵy 400-den astam dzıýdoshylar qatysyp jatyr. Bul týraly Qazaqstan Dzıýdo federasııasynyń baspasóz qyzmeti habarlady.
Oblys ákimi Berdibek Saparbaev beldesýlerdi chempıonatty tamashalap, el chempıonatynyń birinshi kúniniń jeńimpazdary men júldegerlerin marapattady. Sondaı-aq, barlyq qatysýshylarǵa sáttilik tilep, búgingi chempıonattyń saltanatty ashylýymen quttyqtady.
Qazaqstan Respýblıkasynyń Chempıonatynyń ashylý saltanatynda Ulttyq Olımpıada komıtetiniń bas dırektory Serik Seıituly Qasqabasov Dzıýdo federasııasy atynan Aqtóbe oblysyna tatamı syıǵa tartty.
Nazarlaryńyzǵa Qazaqstan Chempıonatynyń alǵashqy kúngi jeńimpazdary men júldegerlerin usynamyz:
Erler:
60 kg
1. Jeńisbek Jaqsybek (Qyzylorda oblysy)
2. Ǵusman Qyrǵyzbaev (Almaty qalasy)
3. Rýstam Ibraev (Aqtóbe oblysy)
3. Erjan Erenǵaıyp (Qaraǵandy oblysy)
66 kg
1. Erlan Serikjanov (ShQO)
2. Baýyrjan Saǵynǵalıuly (Mańǵystaý oblysy)
3. Tólegen Nurǵalıev (ShQO)
3. Erlan Jaqsybekov (Qyzylorda oblysy)
Áıelder:
48 kg
1. Galbadrah Otgonseseg (OQO)
2. Aqmaral Naýatbek (Astana qalasy)
3. Áıgerim Tóreǵojına (Qaraǵandy oblysy)
3.Ǵalııa Tynbaeva (Almaty qalasy)
52 kg
1. Kámshat Qarasaıqyzy (Mańǵystaý oblysy)
2. Jadyra Ámirtaeva (Jambyl oblysy)
3. Nazgúl Elmuratova (ShQO)
Nurjamal Jarmanova (Aqtóbe oblysy)Osy jyldyń eń mańyzdy ári qorytyndy jarysynda jeńimpaz atanǵan dzıýdoshylar ulttyq qurama sapynda 2018 jyly el namysyn qorǵaıtyn bolady, sondaı-aq, Azııa men Álem Chempıonattaryna qatysýǵa múmkindik alady.
Eseterińizge sala ketsek, "Jekpe-jek" sport saraıynda ótip jatqan dzıýdodan erler men áıelder arasyndaǵy Qazaqstan Respýblıkasynyń Chempıonaty 14-qarashaǵa deıin jalǵasady.