QR Premer-Mınıstri Baqytjan Saǵyntaev EKSPO-2017 halyqaralyq kórmesiniń bas ǵımaraty bolǵan "Nur Álem" sferasyn aralady.
Qaıta ashylý qurmetine oraı, Astana turǵyndary men qala qonaqtary 11-12 qarasha kúnderi EKSPO-2017 kórmesinen qalǵan týrıstik nysandardy tegin aralaı alady.
A.Esimov Premer-Mınıstrge EKSPO-2017 aýmaǵynyń aldaǵy jospary týraly baıandady.
«Nur álem» ǵımaraty men taqyryptyq pavılondar energııa mýzeıi retinde jumystaryn jalǵastyrady. Al «EXPO 2017» aýmaǵyndaǵy ózge ǵımarattar «Astana» halyqaralyq qarjy ortalyǵyna, Halyqaralyq «Jasyl» tehnologııalardy damý ortalyǵyna jáne Halyqaralyq IT-startaptar tehnoparkine beriledi.
Eske sala ketsek, búgin EKSPO-2017 kórmesi aýmaǵyndaǵy týrıstik aımaq óz jumysyn bastady. Atap aıtqanda, «Nur Álem», Art-ortalyq, Úzdik tájirıbeler aımaǵy jáne Taqyryptyq pavılon syndy EKSPO-nyń tórt nysany týrıstik oryn retinde qaıta ashyldy.