Búgin Úkimet úıinde QR Premer-Mınıstri Baqytjan Saǵyntaev sıfrlyq tehnologııalar jónindegi vıse-prezıdent Ýılııam Rý basshylyq etken General Electric kompanııasynyń ókilderimen kezdesý ótkizdi, dep habarlady primeminister.kz.
Kezdesý barysynda kompanııamen el ekonomıkasynyń túrli salalarynda sıfrlandyrý boıynsha perspektıvaly ınvestısııalyq jobalardy iske asyrý jóninde yntymaqtastyq ornatý máseleleri talqylandy.
Bir aıta keterligi, General Electric — ónerkásip pen sıfrlyq tehnologııalar boıynsha álemdik kóshbasshy. Kompanııa Qazaqstanda kóptegen jyldar boıy kóliktik mashına jasaý, energetıka, densaýlyq saqtaý, avıasııa, sondaı-aq, munaı-gaz salalarynda qyzmet kórsetýde.
Qazirgi tańda GE «Samuryq-Qazyna» ulttyq ál-aýqat qory, «QTJ», «QazMunaıGaz», Air Astana, Kaz Minerals jáne ERG-men seriktestikte mańyzdy ınfraqurylymdyq mindetterdi sheshýge qatysyp jatyr.