Qazaqstan Prezıdenti Iran Islam Respýblıkasynyń Prezıdenti Hasan Rýhanıge kóńil aıtý jedelhatyn joldady.
Memleket basshysy búgin Irannyń batysyndaǵy kúshti jer silkinisi saldarynan kóptegen adamnyń qaza bolǵany jáne zardap shekkeni týraly habardy zor kúızelispen qabyldady.
«Qazaqstan halqynyń jáne jeke ózimniń atymnan qaza bolǵandardyń týystary men jaqyndaryna kóńil aıtyp, qaıǵyǵa ortaqtastyǵymdy bildiremin. Sondaı-aq, zardap shekkenderdiń tezirek saýyǵyp ketýine tilektespin», – delingen jedelhatta.