Sırııanyń janjal aımaǵynan shyǵarylǵan Qazaqstan azamattary taıaý kúnderi elge jetkiziledi. Bul týraly Syrtqy ister mınıstrligi baspasóz qyzmetiniń jetekshisi Ánýar Jaınaqov málim etti.
«О́zderińizde biletindeı, keshe Sheshen Respýblıkasynyń astanasy Groznyı qalasyna Sırııada janjal bolyp jatqan aımaqtan qutqarylǵan bir top adam jetkizildi. Olardyń arasynda Qazaqstan azamattary da boldy. Ol 1988 jyly dúnıege kelgen Oral qalasynyń turǵyny men onyń kámelettik jasqa tolmaǵan 4 balasy. Olardy Groznyı áýejaıynda Qazaqstannyń Reseıdegi Elshiliginiń qyzmetkerleri kútip aldy. Jaqyn arada olar Qazaqstanǵa jetkiziletin bolady», - dedi ol.
Osy rette Ánýar Jaınaqov Syrtqy ister mınıstrligi otandastarymyzdy Sırııadan qaýipsiz jerge shyǵarǵany úshin reseılik tarapqa jáne Sheshen Respýblıkasynyń basshylyǵyna shynaıy rızashylyq bildiretindigin atap ótti.
«Balalardyń eń kishkentaıy osy jyly týǵan, birneshe aılyq qana. Al eń úlkeni 2012 jyly týǵan. Balalar Qazaqstan azamaty, aty-jónderi jarııalanbaıdy», - dedi SIM baspasóz qyzmetiniń jetekshisi.