Kıkboksıngten eresekter arasyndaǵy ulttyq qurama álem chempıonatynan 16 medal alyp qaıtty. Bul týraly Mádenıet jáne sport mınıstrligine qarasty Sport jáne dene shynyqtyrý komıtetiniń baspasóz qyzmetine habarlaıdy.
Kıkboksıngten eresekter arasyndaǵy álem chempıonaty 3-12 qarasha aralyǵynda K1, full-contact, low-kick ádisteri boıynsha Býdapeshtte (Vengrııa) ótti. Chempıonatqa álemniń 70 memleketinen sportshylar kelgen.
Býdapeshtke bas bapker Qaırat Smaǵulov pen aǵa jattyqtyrýshy Sansyzbaı Ibraevtyń jetekshiligimen barǵan Qazaqstan quramasynyń sapynda 34 sportshy boldy. Qazaqstandyq sportshylar 3 túrli ádis boıynsha óner kórsetken.
Nátıjesinde birinshi oryndy Saıat Turysbekov (71 kg, fýll-kontakt), Jandos Nazarbekov (57 kg, K1) jáne Nursultan Hasanov (67 kg, fýll-kontakt) jeńip aldy. 2 oryndy Erlan Shaǵban (54 kg, fýll-kontakt), Abzal Dúsipov (60 kg, fýll-kontakt), Arnal Qanapıanov (57 kg, fýll-kontakt); Dıdar Tólebaev (63,5 kg, fýll-kontakt) jáne Aıdyn Abdrahmanov (91 kg, fýll-kontakt) aldy.
Úshinshi orynǵa Dosymbaı Azamat (54 kg, K1), Mádı Toqtarov (74 kg, poınt-faıtıng), Sálimgereı Janáli (51 kg, fýll-kontakt), Ǵalymjan Qanaev (81 kg, fýll-kontakt), Aqerke Naýryzbaeva (56 kg, fýll-kontakt), Shyńǵyshan Tilemisov (63,5 kg, K1), Shyńǵys Ysqaqov (86 kg, K1), Izim Izbaqı (+91 kg, fýll-kontakt) laıyqty dep tanyldy.
Jarys qorytyndysy boıynsha Qazaqstan quramasy 3 altyn, 5 kúmis jáne 8 qola medal jeńip aldy.