Bul týraly Ortalyq kommýnıkasııalar qyzmetinde ótken baspasóz máslıhatynda Qazaqstan Respýblıkasy Tuńǵysh Prezıdenti - Elbasy Qorynyń atqarýshy dırektory Qanat Jumabaev málimdedi.
«Osy jyly Astana klýbynyń otyrysyna qatysqan memleketter men aımaq ókildikteri birshama keńeıdi - bul 28 elden kelgen 66 qatysýshy. AQSh, Qytaı, Reseı, Úndistan, Eýropanyń jáne Ortalyq Azııanyń keıbir elderinen basqa, taǵy 10 memlekettiń qatysýshysy qosyldy. Bul Indonezııa, Malaızııa, Italııa, Polsha, Bangladesh, Ázirbaıdjan, Serbııa, Slovenııa, Fınlıandııa, Chehııa. Úshinshi otyrystyń sharyqtaý shegi - Memleket basshysy Nursultan Nazarbaevtyń Astana klýbynyń qatysýshylarymen kezdesýi boldy. Ashyq pikirtalas kezinde álemdik derjavalardyń Eýrazııadaǵy múddeleriniń astasýy, óńirlik oıynshylardyń róli, eýrazııalyq ıntegrasııanyń bolashaǵy sııaqty taqyryptar qozǵaldy», - dep atap ótti Qanat Jumabaev.