Áýejaıdaǵy áńgime

Kóńildi eken. Jeńgeı ekeýi teńiz jaǵasynda demalyp, kúnge kúıip, kúsh jıyp, shabyttanyp qaıtypty. Aldaǵy kúnderde taǵy da biraz tamasha, maǵynaly, mándi kartınalar jazbaq oıy bar.

Kenet... Aramyzda til týraly áńgime qozǵalyp ketti. Aǵyl­shynsha, túrikshe jaqsy biletin jolaýshylardyń mynaý úlken áýejaıda emin-erkin serýendep júrgenine qyzyǵyp, shet tilin úırený qajettigin alǵa tarta qoı­dyq. Jáne óz tili­miz­diń qashan halyqaralyq deńgeıge kóteri­letinin oılap, azdap qamyǵyp ta qaldyq.

Sol sátte álgi sýret­shi aǵamyz biz kútpegen bir tosyn pikirin or­taǵa saldy.

– Qazaq tili óte baı til dep maq­ta­namyz, – dedi ol keý­desin shal­qaıtyp. – Menińshe, bul durys emes. Artyq nárse. Bir ǵana maǵynany bildiretin birneshe sózder kóp bizde (sirá, sınonım sózderdi aıtyp tursa kerek – avt.). Sonyń saldarynan basqa jurt tilimizdi úırenýge qınala­dy. Sondyqtan olardy yqsham­dap, qysqartý kerek. Kóp sózdiń qajeti joq. Áne, sonda ǵana basqa jurt tilimizdi ońaı úırene alady. Qazaq tili halyqaralyq til deńgeıi­ne kóteriledi.

Shynymdy aıt­sam, qatty qy­syldym. Mun­daı pikirge qar­sy «artyq sóz» aıtýdyń ózi uıat. Tek ishtegi bir oı: «Aǵa, sizder búkil adamzatqa ortaq jeti boıaýdyń ózin qanaǵat tutpaı, birine-birin qosyp, jańa túr, jańa tús jasaýǵa umty­lasyzdar. Al eger, so­nyń da túkke keregi joq, aq pen qara tústi ǵana qana­ǵat tutyń­dar dep, qal­ǵanyn qoqys­qa laq­tyr­sa, ne ister edi­ńiz­der!» deıdi eleý­rep.

Nurǵalı Oraz, «Egemen Qazaqstan»