2018 jyly el halqyn dári-dármekpen tegin qamtamasyz etý úshin dárilik zattar men medısınalyq maqsattaǵy buıymdardy satyp alý boıynsha ótetin tenderlik rásimderdiń ashyqtyǵyn qamtamasyz etý maqsatynda Biryńǵaı dıstrıbıýter óziniń www.sk-pharmacy.kz/ saıtynda negizgi tenderlik rásimderdiń onlaın kórsetilimin uıymdastyrady. Bul týraly Densaýlyq saqtaý mınıstrliginiń baspasóz qyzmeti habarlady.
Budan basqa, onlaın tártipte tenderlik ótinimderge qosymshalary bar konvertterdi ashý rásimi – 24 qarashada, tenderlik rásimderdiń aqtyq kezeńi aýksıonǵa jiberilgen áleýetti ónim berýshilerdiń baǵany tómendetý rásimi – 4 jeltoqsanda ótedi.
Biryńǵaı dıstrıbıýtordiń Facebook resmı akkaýtynda tenderlik jáne saraptamalyq komıssııa otyrystarynyń kún saıynǵy fotoesebi jarııalanyp otyrady. Turaqty túrde tender ótkizilip jatqan zaldaǵy jaǵdaıdyń barlyǵyna vıdeo túsirilim jasalady. Ol Biryńǵaı dıstrıbıýtordyń muraǵatynda saqtalady.
Biryǵaı dıstrıbıýterdiń tenderlik komıssııa jumysyna tenderlik komıssııa quramyna engen QR Densaýlyq saqtaý mınıstrligi jáne salalyq qurylymdyq bólimsheler ókilderi, onyń ishinde QR Densaýlyq saqtaý mınıstrligi Farmasııa komıtetiniń Tóraıymy Lıýdmıla Bıýrabekova, Farmasııa komıtetiniń, medısınalyq kómekti uıymdastyrý departamentiniń, Qoǵamdyq densaýlyq saqtaý komıtetiniń jáne Medısınalyq qyzmetke aqy tóleý komıtetiniń ókilderi qatysady.
Baqylaýshylar retinde otyrystarǵa «Dárilik zattardy, medısınalyq maqsattaǵy buıymdardy jáne medısınalyq tehnıkany saraptaý Ulttyq ortalyǵy» bas dırektorynyń birinshi orynbasary Arnýr Nýrtaev, QR Densaýlyq saqtaý mınıstrliginiń qyzmetkerleri, Áleýmettik medısınalyq saqtandyrý qorynyń, sondaı-aq, salalyq qaýymdastyqtardyń ókilderi qatysady.
«SK-Farmasııa» JShS Basqarma tóraǵasynyń mindetin atqarýshy Ásemgúl Erjanovanyń sózinshe, Biryńǵaı dıstrıbıýter saıtynda aǵymdaǵy tenderge arnalǵan arnaıy bólim bar. «Ol jerde naqty ýaqyt tártibinde tolyqtyrýlardy ashý rásimderin jáne aýksıondy baqylap, tenderlik komıssııanyń barlyq otyrystaryn, ótken sharalardyń beınejazbalaryn qaraýǵa bolady», – dep túsinikteme bere ketti «SK-Farmasııa» JShS Basqarma tóraǵasynyń mindetin atqarýshy.
«Bul sharalardyń barlyǵy bizdiń satyp alý rásimderimizdiń barynsha ashyqtyǵyn qamtamasyz etýge baǵyttalǵan. Qyzyǵýshylyq tanytqan barlyq taraptar tenderlik rásimderdi onlaın tártipte qarap, sheshimderdiń qalaı jáne ne sebepti qabyldanyp jatqandyǵyn qadaǵalap, olardyń beıtaraptylyǵyna jáne ádildigine kóz jetkize alady», - dep óz oıyn jalǵady Ásemgúl Erjanova.
2018 jylǵa arnalǵan satyp alý bóliminde 2018 jylǵa arnalǵan dárilik zattar men medısınalyq maqsattaǵy buıymdardy satyp alýǵa qatysty suraq qoıyp, kez-kelgen másele boıynsha úndeý qaldyrýǵa bolady.
Jýyrda biryńǵaı dıstrıbýsııa júıesi boıynsha dárilik zattar men medısınalyq maqsattaǵy buıymdardy satyp alý boıynsha tenderlik rásimderdiń bastalǵandyǵyn eske sala keteıik. 3 qarashada 2018 jyly Qazaqstan halqyn dári-dármekpen tegin qamtamasyz etý úshin dárilik zattar men medısınalyq maqsattaǵy buıymdardy satyp alý boıynsha tenderlyq rásimderge qatysqan farmasevtıkalyq kompanııalar ótinimderiniń konvertterin ashý rásimi ótkizilgendigin eske sala keteıik. Endi 20 qarashaǵa deıin tenderlik komıssııa ótinimdermen tanysyp, usynylǵan qujattamalarǵa eskertýler jasaıdy, sodan keıin kompanııalarǵa ony túzetýge múmkindik beriledi. Tenderde jalpy somasy 82,4 mlrd teńgeniń 484 ataýy jarııalanǵan.