Qyrǵyzstan prezıdenti Almazbek Atambaev qazaq-qyrǵyz shekarasyndaǵy jaǵdaıdy "blokada" dep atap, oǵan Qazaqstan bıligin aıyptaý mándegi pikir bildirgen bolatyn. Atambaev bul týraly Bishkekte eldiń turaqty damý strategııasyn talqylaǵan jıynda málimdedi. Osyǵan oraı Senat tóraǵasy Qasym-Jomart Toqaev óziniń týıtter paraqshasynda Atambaevtyń málimdemesine pikir bildirdi.
"Atambaevtyń Qazaqstan týraly kezekti doly sózderi shynaıy baýyrlastyqqa tek nuqsan keltiredi. Úlken saıasatta qyzbalyqqa oryn joq", dep jazdy ol.
Eske sala ketsek, 7 qazanda Qyrǵyzstan prezıdenti Almazbek Atambaev Qazaqstan bıliginiń atyna syn aıtqan bolatyn. Osydan keıin, 10 qazanda Qazaqstan men Qyrǵyzstan shekarasynda tekserý kúsheıtilip, kezek kóbeıgen.