Aqmola oblysynda ónim óndirý ulǵaıdy

«Memleket basshysynyń tap­syrmasyn oryndaý maq­sa­tynda, halyqtyń ál-aýqa­tyn jaqsartý baǵytynda ekono­mı­kanyń barlyq salalarynda jaqsy nátıjelerge qol jet­kizdik. Aqmola oblysynda óńirge ınvestısııa tartý kólemi artyp, ótken 9 aıda 175 mlrd teń­geni qurady. Bul kórsetkish ótken jylmen salystyrǵanda 4,7 paıyzǵa artyq. Elbasynyń Aqmola oblysynyń aldyna qoıǵan aýylsharýashylyq ón­di­risin ǵylymdy paıdalaný ar­qyly damytý, sondaı-aq aýyl­sharýashylyq kooperatıvterin jandandyryp, eldi mekenderdi ór­kendetý tapsyrmasy búgingi kúni oblysta belsendi júzege asy­ry­lýda», dedi Málik Myrza­lın.

О́ńir basshysy bıylǵy jyly aımaq dıqandary 5,1 mln tonna astyq jınaǵanyn, jınalǵan yrystyń 88 paıyzy joǵary sapaly ekenin tilge tıek etti.  «Oblysta memlekettik qoldaý alǵan agroqurylymdar sany artyp olardyń sany 40 paıyzǵa ósip, elıtaly daqyldar sebilgen alqaptar kólemi 1,4 paıyzǵa ulǵaıdy. Bul turǵyda egistik alqaptarda agrohımııa, mıneraldy tyńaıtqyshtardy paıdalaný jumysy óris aldy. Mal sharýashylyǵyn damytýda da óńirde jaqsy kórsetkishterge qol jetkizildi. Bıyl oblys­ta 3300 mal basyna arnalǵan 155 mal bordaqylaý alańy ashyl­dy. 11 taýarly-sút fermasy qury­lyp, 600 bas sút baǵy­tyndaǵy iri qara satyp alyndy. Son­daı-aq Astana irgesinde 5 myń basqa ar­nalǵan eshki fermasy men tereń óńdeýge baǵyttalǵan sút fab­rıkasy iske qosyldy», dedi ol.

Málik Myrzalınniń sózinshe oblysta azyq-túlik óndirisi bıyl 17 paıyzǵa ósken. Onyń ishinde kúnbaǵys maıy 1,9 pa­ıyzǵa, et 35 paıyzǵa, shujyq ónim­deri 24 paıyzǵa, un 22 paıyz­ǵa artqan. Sonymen qatar ol óńir­de 35 aýylsharýashylyq kooperatıvi qurylyp, qurylǵan kooperatıvterge 9 myńnan astam jeke sharýashylyqtardyń basy biriktirilgenin baıandady.

Aımaq basshysy aqmo­lalyq kásiporyndar EKSPO-2017 halyqaralyq mamandan­dyrylǵan kórmesin óndiristik prosesterdi odan ári jetildirý maqsatynda 5 úzdik álemdik tehnologııany engizýdi kózdep otyrǵanyn tilge tıek etip, bul oraıda jan-jaqty jumystar júrgizilip jatqanyn jetkizdi.  «Indýstrııalandyrý baǵ­dar­lamasynyń aıasynda oblys­ta altyn óndirý 4 esege ul­ǵaıyp, respýblıkalyq kórset­kishtiń 34 paıyzyn qurap otyr. Júk avtomobılderin óndi­rýde elimiz boıynsha oblys kórsetkishi – 55 paıyzdy, kirpish – 30 paıyzdy, un 10 paıyz­dy quraıdy. Qazaqstandyq ýran keni qorynyń 10 paıyzy bizde. Oblys aýmaǵynda TMD elderi ishindegi jalǵyz temir jol podshıpnıgin shyǵaratyn óndiris orny jumys isteıdi. Munda ishki naryqtan bólek, ónimderdiń 80 paıyzy, ıaǵnı basym bóligi Reseıge eksporttalady», dep atap ótti óńir basshysy.

Onyń málimetinshe, shaǵyn jáne orta bıznestiń sany oblys­ta 7 paıyzǵa artyp, shyǵa­ry­latyn ónim 20 paıyzǵa, bıýdjetke túsetin salyq kólemi 22 paıyzǵa artqan. Jáne de ákim «Nurly jer» baǵdarlamasyn júzege asyrý maqsatynda atqarylyp jatqan jumystarǵa da toqtalyp ótti.

«Baǵdarlama aıasynda 404 myń sharshy metr turǵyn úı salynyp, bul kórsetkish ótken jylmen salystyrǵanda 133 paıyzdy qurady. Munymen qatar jeke turǵyn úı salý kólemi 1,6 esege ósti. Jeke turǵyn úı qurylysyn odan ári jandan­dyrý úshin óńirdiń 14 eldi meke­ninde 7 myń turǵyn úıge ınje­nerlik kommýnıkasııalar tartyldy», dedi M.Myrzalın. 

Aımaq basshysynyń aıtýynsha, Elbasynyń tapsyrmasyna sáıkes oblysta áleýmettik salany damytýǵa basa nazar aýdarylyp keledi. 

«Bıylǵy jyly óńirde 8 jańa mekteptiń qurylysy bastaldy. Sonymen qatar bilim berý nysandarynyń qurylysyna jeke ınvestorlar tartylýda. Bú­gingi kúni Selınograd aýdanyn­da 2 mektep salynýda, qury­lysy bitken soń bul nysan­dar memlekettik menshikke beriledi. Mektepke deıingi bilim berýmen qamtýda 3-6 jas aralyǵyndaǵy búldirshinderdi qamtý deńgeıi 98 paıyzǵa jetti. О́ńirdiń sapaly jáne qoljetimdi medısına salasy da jiti nazarymyzda. Bıyldyń ózinde oblysqa 214 medısına salasynyń qyzmetkeri tartyldy. Olardyń 91-i dáriger», dedi M.Myrzalın.

Sonymen qatar ol «Rýhanı jańǵyrý» baǵdarlamasy aıasynda jyl basynan beri 4500 túrli baǵyttaǵy is-shara uıym­das­tyrylǵanyn da aıtyp ótti.

Raýan QAIDAR, «Egemen Qazaqstan»