Kómegi kóp kórme

2-4 qarashada elordada turǵyn úı-kommýnaldyq sharýashylyǵyn jańǵyrtý men «Aqbulaq» baǵdarlamalarynyń negizgi mindetterin iske asyrýǵa arnalǵan «TKSh-EKSPO-2011» halyqaralyq forýmy bolyp ótti. Onyń ashylý saltanatyna Premer-Mınıstrdiń birinshi orynbasary О́mirzaq Shókeev, Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın, sonymen qatar Parlament Senaty men Májilisiniń depýtattary qatysty. Atalǵan mándegi basqosý osy­men ekinshi ret ótkizilip otyr. Onyń jumysyna 360-tan astam zańdy tulǵanyń 500-ge tarta óki­li kelip, kórmege qatysýshylar sany ótken jylmen salystyr­ǵan­da eki esege ulǵaıǵan. Halyqaralyq jıyn aıasynda 86 eksponat qatysatyn «TKSh-Ekspo-2011» V halyqaralyq kór­mesi ótip, turǵyn úı qa­ty­nas­ta­ryn­da jáne kom­mýnaldyq sharýa­shylyqta jańa tásilderdi qol­da­ný arqyly turǵyn úı-kom­mý­nal­dyq salany jańǵyrtý ta­qy­­ry­bynda pikiralmasýlar bol­dy. Son­­daı-aq turǵyn úı-kommý­nal­dyq sharýashylyqtyń tıimdiligin arttyrýǵa jáne energııa re­sýrs­taryn únemdeýge arnalǵan ın­no­vasııalyq tehnologııalardy qol­da­ný men jańartylatyn ener­gııa kózderin qoldaný, turǵyn úı-kom­mýnaldyq sharýashylyǵy úshin kadrlar daıarlaý tóńireginde qoz­ǵalǵan áńgimeler de ózektiligimen erekshelendi.  «Egemen-aqparat».