«Tynys» aksıonerlik qoǵamy, «Altyntaý-Kókshetaý» altyn kenishi jáne «Kókshetaýjoldary» jaýapkershiligi shekteýli seriktestigi Kókshetaý polıtehnıkalyq kolledjiniń bir top oqýshysyna «Altyn urpaq» shákirtaqysyn berýge uıǵarym jasady. Áleýmettik áriptestik baǵytyndaǵy bul kómekti oqýda ǵana emes, óndiristik tájirıbede jaqsy qyrynan kóringender ıemdenedi. Kolledjben baılanys hattamasynyń sharttaryna saı «Tynys» AQ mashına qurylysy tehnologııasy mamandyǵy boıynsha bilim alyp jatqan Ánýar Esenjolovqa, Vasılıı Markovqa jáne Vıtalıı Pýtınsevke aıyna 7 myń teńgelik shákirtaqy taǵaıyndasa, «Kókshetaý joldary» seriktestigi jaz aılarynda «Kókshetaý-Petropavl» jolynyń qurylysynda eńbek etken Maqsat Qaparov pen Alekseı Grýdevti 10 myń teńgeden kótermeleýdi uıǵardy. Al «Altyntaýlyqtar» paıdaly qazbalardy baıytý mamandyǵyn ıgerip jatqan bes oqýshyǵa «Altyn urpaq» shákirtaqysyn bere bastady. Arnaıy shákirtaqy ıegerleriniń barlyǵy oqýdy bitirgen soń atalǵan kásiporyndarǵa jumysqa ornalasatyn bolady.
Baqbergen AMALBEK, Aqmola oblysy.