Búgin Astanada Qazaqstan Respýblıkasynyń Premer-Mınıstri Baqytjan Saǵyntaev kompanııanyń atqarýshy dırektory Ben Van Berden basshylyǵymen «Roıal Datch Shell Pls» ókilderimen kezdesý ótkizdi, dep habarlaıdy primeminister.kz.
Kezdesý barysynda yntymaqtastyq máseleleri men «Shell» kompanııasymen Qazaqstannyń munaı-gaz salasynda birlesken jobalardy iske asyrý máseleleri talqylandy.
«Shell» nıderlandy-brıtan energetıkalyq konserni 1997 jylǵy 18 qarashada qol qoıylǵan, Soltústik Kaspıı boıynsha ónimderdi bólý týraly kelisim (SK О́BK) qatysýshylarynyń biri. SK О́BK boıynsha kelisimsharttyq aýmaqta myna ken oryndary ornalasqan: Qashaǵan, Qalamqas-teńiz, Aqtoty, Qaıran jáne Ońtústik-Batys Qashaǵan.