Astananyń "Barysy" Qurlyqtyq hokkeı lıgasynyń kezekti oıynyn ombylyq "Avangardqa" qarsy ótkizip, býllıtter serııasy boıynsha utylyp qaldy.
Evgenıı Koreshkov bapkerge qatty baýyr basyp qalyppyz. Sońǵy tórt oıynda qazaq hokkeıshileri qarsylastarynyń tas-talqanyn shyǵardy. Bıyl "Barys" burynǵydaı ala-qula emes, təp-təýir oıyn kórsetip, óz jankúıerlerin qýantyp júr. Elordalyq hokkeıshilerdiń kúni búginge deıin týrnır kestesinde kósh bastaýy kóp nərseni anǵartsa kerek. Ombylyqtarmen oıynǵa on myńǵa jýyq jankúıerdiń "Barys" basym túsedi degen úmitpen kelgenderi zańdylyq.
Shyǵys konferensııasynyń qos myqtysy arasyndaǵy kezdesý tartysqa toly boldy. Alǵashqy eki kezeńde esep ashylmady. "Barys" barynsha basymdyqpen shabýyldaǵanymen, shaıbany qarsylastar qaqpasyna týra baǵyttaı almady. Qonaqtar da aıanyp qalǵan joq. Qorǵanysqa kóp kóńil bólgenimen, ombylyqtar da esep ashatyn múmkindikterde múlt ketip jatty.
Kezdesýdiń úshinshi kezeńinde "Avangard" alǵa shyqty. Aıdyn ıeleriniń qateligin keshirmegen Maksım Chýdınov.
О́z jankúıerlerin jerge qaratqysy kelmegen hokkeıshilerimiz qarqyndy údete tústi. Oıynnyń aıaqtalýyna sanaýly mınýttar qalǵanda "Barystyń" shabýylshysy Roman Starchenko esepti teńestirip ketti. Kezdesýdiń negizgi bóligi men qosymsha ýaqyt teń aıaqtaldy. Býllıtter serııasynda Andreı Skabelko shákirtteri basym boldy.
Osy týrda Podolskide jergilikti "Vıtıaz" komandasyn jeńgen Kazandyq "Aq Bars" týrnır kestesinde "Barysty" basyp ozdy. Bizdiń hokkeıshiler kelesi oıynyn 20-qarasha kúni Novosibirde jergilikti " Sıbır" komandasyna qarsy ótkizedi.
Erkebulan Jomart