Ortalyq kommýnıkasııalar qyzmetinde qazaqstandyq shahmatshy, tórt dúrkin álem chempıony, halyqaralyq grossmeıster Dınara Sádýaqasovanyń IýNISEF-tiń Qazaqstandaǵy Ulttyq izgi nıet elshisi retinde taǵaıyndalýyna oraı BUU Balalar qorynyń (IýNISEF) baspasóz konferensııasy ótti.
IýNISEF osy ataqty 1954 jyldan beri taǵaıyndap keledi, osylaısha tanymal adamdardyń, mádenıet, sport, ádebıet qaıratkerleriniń óz elderinde jáne búkil álemde balalardyń quqyqtaryn ilgeriletýge jáne qorǵaýǵa qosqan úlesine qurmet bildiredi. Ulttyq izgi nıet elshisi etip taǵaıyndaý balalardyń máselelerine beıjaı qaramaıtyn jergilikti ataqty tulǵalarǵa eń urymtal, muqtaj balalardyń jáne olardyń otbasylarynyń qajettilikterine kóńil aýdartýǵa múmkindik beredi.
Qazaqstandaǵy IýNISEF О́kili Iýrıı Oksamıtnyı: «Bul ataqty jeńip alý úshin tanymal bolý jetkiliksiz. IýNISEF-tiń izgi nıet elshileri balalardyń quqyqtaryn ilgeriletýge, IýNISEF-tiń basty qundylyqtaryna jáne mıssııasyna rııasyz adaldyǵyn kórsetedi. Dınara – dál osyndaı adam, biz kózqarastarymyz jáne maqsat-nıetterimiz tolyǵymen bir jerden shyqqanyna qýanyshtymyz», dedi.
Dınara úshin osy ataqqa ıe bolý taǵy bir tarıhı sátpen tuspa-tus keldi – az ǵana ýaqyt buryn, qarasha aıynda, Dınara álemniń eń myqty shahmatshylarynyń tiziminde 23-shi orynǵa kóterilip, Qazaqstan jáne Ortalyq Azııa shahmatshylary arasynda eń joǵary reıtıng ıesi atandy.
О́z sózinde Dınara Ulttyq izgi nıet elshisi bolyp taǵaıyndalýdyń bar jaýapkershiligin túsinetinin erekshe atap ótti. «IýNISEF-ke maǵan senim artqany úshin rızamyn jáne osy senim údesinen shyǵý úshin qolymnan kelgenniń barlyǵyn jasaıtynyma senidirgim keledi. Balalar qamqorlyq pen meıirimge bólenýi úshin, óz pikirin eresekterge jetkize alýy úshin jáne óz ómirlerine qatysty sheshimderge yqpal ete alýy úshin men barlyǵymyz birigip, nátıje shyǵarýdy qalaımyn».
Bıyl IýNISEF pen Dınara birneshe birlesken shara ótkizdi, sonyń ishinde, Mańǵystaý oblysyna sapar da bar, sol sapar barysynda Dınara balalarǵa arnalǵan birqatar mekemelerge – Kámeletke tolmaǵanadardy beıimdeý ortalyǵyna, devıantty minez-qulyqty balalarǵa arnalǵan mektep-ınternatqa, otbasylyq tıpti balalar aýylyna – baryp, balalarmen jáne jastarmen áńgimelesti.
«IýNISEF-tiń arqasynda men múldem qorǵalmaǵan balalardyń quqyqtary týraly kóp tyń málimet alamyn, olardyń arasynda erekshe qajettilikteri bar balalar, qylmys qurbanyna nemese kýágerine aınalǵan balalar, quqyq buzýshylyq jasaǵan balalar, tipti óz otbasynda qatygezdikke dýshar bolatyn balalar bar. Men sol balalardyń quqyqtaryn ilgeriletýge jáne qorǵaýǵa óz úlesimdi qosamyn dep úmittenemin», - dedi Dınara.
Taǵaıyndaý jyl saıyn 20 qarashada atap ótiletin Dúnıejúzilik balalar kúni qarsańynda oryn aldy. 1989 jyly osy kúni tuńǵysh ret balalardyń quqyqtaryn betkitken halyqaralyq qujat bolyp tabylatyn Bala quqyqtary týraly konvensııa qabyldandy. Konvensııa táýelsiz Qazaqstan qabyldaǵan alǵashqy halyqaralyq qujattardyń biri atandy.