Konsessııalyq negizde ushyp-qoný alańyn qaıta salýdyń nátıjesinde Aqtaý halyqaralyq áýejaıy álemdegi eń alyp ushaqtardy qabyldaýǵa qol jetkizdi. 1988 jyly orbıtalyq kosmostyq kemelerdi tasymaldaý maqsatynda Ýkraınada qurastyrylǵan AN-225 markaly «MRIIа» alyp áýe kemesi Aqtaý áýejaıyna qondy. On jyldan beri kommersııalyq negizde ushýdaǵy ushaq Túrkııadan teńiz arqyly ákelingen. Qaraǵandy temir-beton zaýytyna qajetti jabdyqtardy Qaraǵandyǵa aparý úshin jalǵa alynypty. Birneshe ret álemdik rekord jasap «Gınnestiń» rekordtar kitabyna engen ushaqtyń taza salmaǵy 250 tonna, uzyndyǵy 84 metr, bıiktigi 12,2 metr, qanattarynyń uzyndyǵy 88,4 metrge jetedi eken. Alyp AN-225 áýe kemesin elimizde Almaty, Astana, Atyraý jáne Qaraǵandy áýejaılary ǵana qabyldap, ushyra alady. Alyp ushaq tıelgen júkti Aqtaýdan-Qaraǵandyǵa 2,5 saǵatta oıdaǵydaı jetkizdi, – deıdi Aqtaý halyqaralyq áýejaıynyń dırektory Jolaman Boshalaq,
Erǵazy Joldasov.
Mańǵystaý oblysy.