QR Premer-Mınıstri Baqytjan Saǵyntaev Jambyl oblysyna jumys sapary aıasynda agrarlyq bıznes ókilderimen jáne elimizdiń ońtústik óńirleri ákimderiniń orynbasarlarymen 2017–2021 jyldarǵa arnalǵan AО́K damytý memlekettik baǵdarlamasyn iske asyrýmáseleleri boıynsha jeke keńes ótkizdi, dep habarlady primeminister.kz.
Keńes barysynda salanyń básekege qabilettiligi men agrarlyq ónim eksportyn odan ári arttyrý, aýyl sharýashylyǵy kooperatıvterin damytý, aýyl sharýashylyǵyn sıfrlandyrý, agrarlyq ǵylymı zertteýlerge ınvestısııalar kólemin kóbeıtý, sondaı-aq, aýyl sharýashylyǵy tehnıkasyn jańartý máseleleri talqylandy.
Jambyl oblysynyń ákimi Kárim Kókirekbaev óńirde AО́K damytý týraly baıandady. 2017 jyly óńirdiń aýyl sharýashylyǵyn damytýǵa 16 mlrd-tan astam teńge bólindi. Otandyq aýyl sharýashylyǵy óndirýshilerine memlekettik qoldaý kórsetý arqasynda 2017 jyldyń 10 aıynda oblysta óndiris kólemi ótken jyldyń osy kezeńimen salystyrǵanda 3,6%-ǵa ósti. 2025 jylǵa qaraı óńirdiń JО́О́-de aýyl sharýashylyǵy úlesin 25%-ǵa deıin ulǵaıtý kózdelgen.
Ákimniń aıtýynsha, jyl basynan beri óńirdiń AО́K salasyna 14 mlrd teńge ınvestısııa tartylǵan. Oblysta 181 aýyl sharýashylyǵy kooperatıvi qurylǵan, úsh myńnan astam adam jumys ornymen qamtamasyz etilgen.
Aýyl sharýashylyǵy birinshi vıse-mınıstri Qaırat Aıtýǵanov 10 aıdyń qorytyndysy boıynsha AО́K damytý memlekettik baǵdarlamasyn iske asyrý týraly baıandady. Jalpy, respýblıka boıynsha aýyl sharýashylyǵy salasynda oń qarqyn baıqalady — ósim 2,1%-dy quraıdy.
Bıyl júrgizilgen aýyl sharýashylyǵy daqyldarynyń egis alqaptaryn ártaraptandyrý jumystary suranysqa ıe daqyldardyń alqabyn 1 mln 348 myń ga-ǵa ulǵaıtýǵa múmkindik berdi. Osylaısha bastyrylǵan dándi-daqyldar kólemi 2,7%-ǵa ósip, 22,1 mln tonnany qurady.
Qazaqstanda 56 myńnan astam ózindik qosalqy jáne usaq sharýashylyqtardy qamtý arqyly 745 kooperatıv (josparda — 326) qurylǵan. 44 myńnan astam tonna sút jáne 13 myń tonna et daıyndalǵan, bul bıyldyqqa kásiporyndardyń sút óńdeý boıynsha júktemesin 60-tan 65%-ǵa deıin, etti 55-ten 60%-ǵa deıin ulǵaıtýǵa múmkindik beredi.
Sondaı-aq, barlyq ońtústik óńirlerde mal sharýashylyǵy ónimi óndirisiniń ósimi baıqalady. Búgingi tańda 10,4 myń tonna et, 34,5 myń tonna sút jáne 12,3 myń tonna jemis-kókónis ónimderi daıyndalǵan. 10 aıda ońtústik óńirler boıynsha negizgi azyq-túlik ónimderiniń óndiris kólemi 0,7%-dan 200%-ǵa deıin artqan.
О́z kezeginde agrarlyq bıznes tarapynan aýyl sharýashylyǵy óndirisin ártaraptandyrý jáne qant qyzylshasy óndirisin memlekettik qoldaý máseleleri boıynsha «Keń dala» sharýa qojalyǵynyń basshysy Qalıbek Alpysbaev, et óndirisi men eksportyn ulǵaıtý týraly «Merke Et» JShS dırektory Berik Egemberdıev, aýyl sharýashylyǵy kooperatıvterin damytý keleshegi jaıynda Qazaq AО́K ekonomıkasy jáne aýyldyq aýmaqtardy damytý ǴZI bólimshesiniń meńgerýshisi Ǵalııa Ákimbekova, aýyl sharýashylyǵyn nesıelendirýdi jetildirý jáne aýyl sharýashylyǵy daqyldarynyń ósip-ónýin mehanıkalandyrýdy ulǵaıtý máselesi boıynsha «Aqtóbe jáne K» JShS dırektory Nurlan Izdibaev sóz sóıledi.
О́ńirlerde AО́K damytýdyń ózekti máseleleri boıynsha Almaty oblysy ákiminiń orynbasary Serikjan Beskempirov, Jambyl oblysy ákiminiń orynbasary Máden Musaev, Ońtústik Qazaqstan oblysy ákiminiń orynbasary Darhan Satybaldy, Qyzylorda oblysy ákiminiń orynbasary Serik Qojanııazov baıandady.
Memleket basshysy halyqqa Joldaýynda AО́K ekonomıkanyń jańa draıverine aınalýy kerektigin aıtty. Basty mindet — Qazaqstandy álemde iri agrarlyq eksporttyq ónim óndirýshilerdiń biri etý. Osyǵan oraı aýyl sharýashylyǵynyń basymdyqty baǵyttaryn damytý kartalary ázirlendi, olardy iske asyrýda negizgi ról jergilikti atqarýshy organdar men aýyl sharýashylyǵy taýaryn óndirýshilerge júktelgen.