Bul týraly О́ńirlik kommýnıkasııalar qyzmetinde ótken baspasóz konferensııasynda oblystyq statıstıka departamentiniń basshysy Aıdar Ábildabekov habarlady. 2017 jylǵy qańtar-qazandaǵy Ońtústik Qazaqstan oblysynyń áleýmettik-ekonomıkalyq damý jaıyn baıandaǵan departament basshysy ónerkásip kásiporyndarymen 683 808 mln. teńgeniń ónimi óndirilgenin atap ótti.
«Osy jyldyń on aıynda óńirdegi ónerkásip kásiporyndarymen 683 808 mln. teńgeniń ónimi óndirildi. Sonyń ishinde ken óndirý ónerkásibi jáne karerlerdi qazý salasymen 146 056 mln. teńge, óńdeý ónerkásibinde 467 773 mln. teńge, elektrmen jabdyqtaý, gaz, bý berý jáne aýany baptaýda 57 454 mln. teńge, sýmen jabdyqtaý; káriz júıesi, qaldyqtardyń jınalýyn jáne taratylýyn baqylaý boıynsha 12 524 mln. teńgeniń ónimi óndirildi», - dedi A.Ábildabekov.
Budan bólek, spıker aýyl sharýashylyǵy jalpy óniminiń kólemi 471 550 mln. teńgeni quraǵanyn, bul ótken jylmen salystyrǵanda 2,4 paıyzǵa artqanyn jáne mal sharýashylyǵy 3,4 paıyzǵa ósip, 188 192 mln. teńgege jetkenin aıtyp, osy baǵytta oblys respýblıka kólemindegi úlesi boıynsha 2-shi orynda ekenin aıtty.
Departament basshysynyń málimetinshe, oblysta jumys istep turǵan shaǵyn jáne orta kásipkerlik sýbektileriniń sany 1 qarashaǵa 177 014 birlikti quraǵan. Bul ótken jyldyń tıisti kezeńimen salystyrǵanda 4,9 paıyzǵa joǵary. Al, osy shaǵyn jáne orta kásipkerlikte 357 412 adam jumyspen qamtylsa, taýarlar, qyzmet kórsetýler boıynsha 381 632 mln. teńgeniń ónimi shyǵarylǵan.