Ońtústik Qazaqtan oblysynda 2017 jyldyń I jartyjyldyǵynda jalpy óńirlik ónim kólemi 1 340 491 mln. teńgeni quraǵan. Osylaısha respýblıka kóleminde oblys 5-oryndy ıemdenip otyr. Bul týraly OQO óńirlik kommýnıkasııalar qyzmetinde ótken brıfıngte oblystyq statıstıka departamentiniń bastyǵy Aıdar Ábildabekov málim etti.
Sondaı-aq, aǵymdaǵy jyldyń qazan aıyndaǵy kórsetkish boıynsha negizgi kapıtalǵa salynǵan ınvestısııa kólemi 374 907 mln. teńgege jetken. Investısııa salymdarynyń basym bóligi ónerkásip salasyna, kólik jáne qoımalaý, sondaı-aq jyljymaıtyn múlikpen jasalatyn operasııalar salasyna tıesili. Negizgi ınvestısııalyq salymdardyń 57,3 paıyzyn shaǵyn kásiporyndar júzege asyrǵan.
«Respýblıka boıynsha tirkelgen zańdy tulǵalardyń 8,4 paıyzy bizdiń oblysqa tıesili. Astana jáne Almaty qalalarynan keıingi oryndy alyp otyrmyz. Oblysta zańdy tulǵalardyń jıi tirkeletin qyzmet túri – saýda salasy. Máselen, bólshek saýdanyń kólemi bıyl 340 761 mln. teńgeni qurady. Al kóterme saýdanyń kórsetkishi 502 599 mln. teńgege jetken», - dedi Aıdar Ahmetbekuly.
Budan bólek, jumys istep turǵan shaǵyn jáne orta kásipkerlik sýbektileriniń sany bıyl 177 014 birlikti qurap, byltyrǵy jylmen salystyrǵanda 4,9 paıyzǵa artqan. Jalpy respýblıka boıynsha jumys isteıtin sýbektilerdiń 15,3 paıyzy Ońtústik Qazaqstan oblysyna tıesili. Sonymen qatar, bıyl óńirde shaǵyn jáne orta kásipkerliktegi jumyspen qamtylǵandardyń sany 357 412 adamǵa jetip otyr.
Aıta ketetini, aǵymdaǵy 2017 jyldyń qańtar-maýsym aılaryndaǵy kórsetkish boıynsha, shaǵyn jáne orta kásipkerliktegi sýbektilerdiń ónim shyǵarylymy 381 632 mln. teńgeni quraǵan.