Astanada Jergilikti polısııa qyzmeti Ákimshilik polısııa basqarmasymen birlesip, arnaıy naýqan ótkizdi.
Aksııa barysynda polıseıler jol apatyna ushyraǵan birneshe kólikti evakýatorlarǵa tıep, negizgi úlken kóshelermen júrip ótti.
Osyndaı shara arqyly polıseıler qoǵamnyń nazaryn jol apattarynyń saldaryna aýdarǵysy kelgen. Olardyń paıymynsha, jol júrisine qatysýshylar ózara is-qımyl jasaýǵa, jol qaýipsizdigin saqtaý men júrgizýshi mádenıetin arttyrýǵa septigin tıgizbek. Qazaqsha aıtqanda táýbelerine túsip júrsin degendik qoı.
Astana qalasy IID baspasóz qyzmeti bul shara «Qaýipsiz jol júrisi aptalyǵy» keń aýqymdy respýblıkalyq naýqany aıasynda uıymdastyrylǵanyn aıtty.