Ábdimájıt Qońyrbaıuly О́TESh

Ábdimájıt Qo­ńyr­baıuly О́tesh ústi­miz­degi jylǵy 17 qara­shada dúnıeden ótti. Ol 1958 jyly 28 maý­­symda Jam­byl ob­ly­synyń Sarysý aý­da­nyndaǵy Aqtoǵaı aýy­lynda dúnıege keldi.

1972 jyly Res­pýb­lıkalyq fızıka-matematıka mektebine oqýǵa túsip, 1974 jyly bitirip shyqty.

1978 jyly Abaı atyndaǵy QazPI-di matematıka pániniń muǵa­limi mamandyǵy boıynsha támam­daǵan. Stýdent shaǵynda Lenındik stı­pendııanyń ıegeri boldy. Pedago­gıkalyq ótili – 34 jyl. 1997 jyldan beri mektep dırektory qyzmetin atqardy.

Bilim berý salasyndaǵy eren eńbegi jáne oqýshylardy olım­pıa­daǵa daıyndaý isindegi jetistikteri úshin Bilim mı­nıs­trliginiń Qurmet gramotalarymen marapattaldy.

1999 jyly bilim berý sala­syndaǵy eren eńbegi úshin «Qazaq­stan Respýblıkasy bilim berý isiniń úzdigi» belgisimen, Y.Altynsarın tós­belgisimen, 2009 jyly «Qurmet» ordenimen jáne «Qazaqstan táýel­sizdigine 20 jyl» merekelik me­da­limen marapattaldy.

Ábdimájıt Qońyrbaıuly Almaty qalasynda fızıka-matematıka baǵytynda oqytatyn kóptegen mektepterdi ashýǵa atsalysty.

1997-2000 jyldary Almaty qalasy Respýblıkalyq fızıka-matematıka mektep-ınternatynda dırektor boldy.

 2000 jyly №141 mektepke, al 2003 jyly Daryndy balalarǵa arnalǵan №173 fızıka-matematıka lıseıine dırektor bolyp taǵaıyndaldy.

2010 jyldan №126 fızıka-mate­ma­tıka mek­tep-lı­seıiniń dırektory bolyp qyzmet etti.

2013 jyldyń qań­tar aıynan bastap jańadan ashylǵan №178 fızıka- matema­tıka lıseıinde dırektorlyq qyzmetti atqardy.

Ábdimájıt Qo­ńyr­­baıuly­nyń halyq­aralyq, respýb­lı­ka­lyq ǵylymı-ádistemelik basylymdarda matematıka pánin oqytý ádistemesi boıynsha maqa­la­lary udaıy jarııalanyp turdy. Ol shyqqanyna 20 jyl tolatyn respýblıkalyq «Algorıfm» jýr­na­lynyń negizin qalady.

Kóptegen oqý quraldary men oqýlyqtardyń resenzenti.

Á.О́teshtiń oqý prosesin durys uıymdastyra bilýiniń arqasynda ol basshylyq etken mektepter Almaty qalasy boıynsha tek qana aldyńǵy qatardan kórinip keldi. Osy ýaqyt aralyǵynda 235 oqýshy «Altyn belgi» ıegeri atandy.

Ábdimájıt Qońyrbaıuly­nyń mezgilsiz aýyr qazasyna árip­testeri, úzeńgilesteri, zaman­das­tary, keıingi tolqyn ókilderi­niń barlyǵy qatty qaıǵyra­dy. Bilim salasynyń maıtal­many atanǵan onyń orny ár­daıym oısyrap turary sózsiz. Allanyń isine amal ne?! Ábdimájıt Qońyrbaıulynyń elge sińirgen eńbegin, jarqyn beınesin, azamattyq tulǵasyn árdaıym este saqtaıtyn bolamyz. Janyń jánnatta bolsyn, aıaýly ustaz, ardaqty azamat!

№178 lıseı ujymy