Qazyǵurt aýdanyndaǵy «Sapa – 2002» seriktestigi quny 275 mln. teńge bolatyn mal bordaqylaý kesheniniń qurylysyn júrgizip jatyr.
Munda salmaǵy 90-95 keli tartatyn qazaqtyń asyl tuqymdy qylshyq júndi quıryqty qoıy men merınos qoıy ósirlýde. Osyndaı ıgi jumystardyń barysymen oblys ákimi J.Túımebaev aýdanǵa jasaǵan jumys sapary kezinde tanysyp shyqty.
Sharýashylyqtyń jumysymen tanystyrǵan seriktestik basshysy Nurjan Áshirov et eksportyn damytýdy qolǵa alyp jatqanyn atap ótti.
Osy rette, Janseıit Túımebaev óńdeý ónerkásibine kóńil bólý kerektigin aıtyp, maldy tirideı satýdan bólek, onyń etin tereń óńdep satý máselesin de qolǵa alýdy usyndy.
«Túrli taǵamdarǵa arnaıy daıyndap, etti shetelge eksporttaýǵa bolady. Bul qaı jaǵynan alyp qarasaq ta tıimdi», - degen óńir basshysy aýdan ákimine kásipkerlikti damytý baǵytyndaǵy jumystardy jalǵastyrýdy tapsyrdy.
Búginde munda quny 275 mln. teńge bolatyn mal bordaqylaý kesheniniń qurylysy júrgizilip jatyr. Qazir onyń 170 mıllıony ıgerilip, 6,5 myń qoı sııatyn alańnyń qurylysy bitken.
«Sapa – 2002» JShS-niń basshysy Nurjan Áshirovtiń aıtýynsha, búginde munda 4,5 myń qoı bordaqylanyp jatyr eken. Aldaǵy ýaqytta jylyna 1 myń tonna joǵary sapaly qoı etin óndirýdi maqsat etip otyrǵan sharýashylyq joba tolyq aıaqtalsa, bul keshende bir mezgilde 10 myń qoıdy bordaqylaýǵa múmkindik týatynyn aıtýda. Sondaı-aq, mundaǵy qozy etine ırandyqtar men arabtar qyzyǵýshylyq tanytsa, semiz qoılarǵa О́zbekstan elinen suranys bar kórinedi. Memlekettik qoldaýlar nátıjesinde jańa tehnıkalarǵa qol jetkizip kásibin ótkendetip otyrǵanyn aıtqan sharýashylyq ıesi jumyspen 120 adamdy qamtyp otyrǵanyna toqtaldy.
Aıta keteıik, «Sapa – 2002» JShS-de qoıdan bólek, jylqy men iri qara da bar. Jalpy, mal basy 9 myńnan asqan. Maldyń jem-shóbi de osynda ázirlenedi. Sebebi, «Sapa–2002» JShS mal sharýashylyǵymen qatar elıtaly bıdaı, maqsary jáne jońyshqa tuqymyn óndirýmen aınalysady. О́simdik maıyn shyǵaratyn sehy da jumys isteıdi.