Premer-Mınıstr Baqytjan Saǵyntaevtyń tóraǵalyǵymen ótken QR Úkimeti otyrysynda QR bıologııalyq áralýandyǵyn saqtaý jáne tıimdi paıdalaný máseleleri qaraldy.
Júrgizilgen jumys jáne qabyldanyp jatqan jedel jáne júıeli sharalar týraly aýyl sharýashylyǵy vıse-mınıstri Erlan Nysanbaev baıandama jasady.
E. Nysanbaev aıtyp ótkendeı, orman qorynyń jalpy aýdany 29,4 mln ga quraıdy. Ormandar el aýmaǵynyń tek 4,7% qamtıdy. Osy jaǵdaıdy eskere otyryp, 2004 jyldan bastap jumyr aǵash eksportyna tyıym salynǵan, 2015 jyldan bastap 2018 jyldyń sońyna deıin sekseýildi otaýdyń barlyq túrlerine moratorıı jarııalanǵan, 2017 jyly saýda oryndarynda sekseýil satýǵa jáne kúıgen orman aǵashtaryn óńdeýdi qosa alǵanda qylqan japyraqty ormandarda saýyqtyrý maqsatynda aǵash kesýge tyıym salynǵan.
Orman otyrǵyzý kólemin arttyrý úshin QR AShM oblys ákimdikterimen birge oblys ortalyqtary aınalasynda jasyl aımaqtar qurýdy eskere otyryp, orman ósirý kólemin arttyrýdyń qadamdyq josparyn bekitýdi josparlaýda.
Sondaı-aq, erekshe qorǵalatyn tabıǵı aýmaqtardy damytý josparyna sáıkes kelesi jyly Almaty oblysy Ile ózeniniń saǵasynda «Ile-Balqash» tabıǵı rezervaty jáne Shyǵys Qazaqstan oblysynda «Tarbaǵataı» ulttyq tabıǵı parki qurylady.
«Memleket basshysynyń Astananyń aınalasynda jasyl aımaq qurý boıynsha tapsyrmasy aıryqsha baqylaýda, sondaı-aq belgilengen kólemder tolyq kólemde oryndalady», — dep atap ótti aýyl sharýashylyǵy vıse-mınıstri.
Erlan Nysanbaev sondaı-aq brakonerlikpen kúresti kúsheıtý boıynsha jumys jaıynda aıtty. 2017 jyly zańnamalyq túrde azamattyq qarý sany bir ańshyǵa 4 birlik kóleminde shekteldi. Kóktemgi ań aýlaýǵa tyıym salyndy jáne tabıǵatta aýlanatyn jabaıy qus sany táýligine bir qolǵa bes danaǵa deıin qysqartyldy.
Memlekettik uıymdardyń ınspektorlyq quramynyń ishinde sybaılas jemqorlyqty bultartpaý úshin 2017 jylǵy maýsymda «Sapsan» jedel toby quryldy. Onyń qyzmeti nátıjesinde bıyl bes aıda tabıǵatty qorǵaý zańnamasy buzylýynyń 16 fakti anyqtaldy. E. Nysanbaev sondaı-aq brakonerlik úshin jazalaý sharalaryn qataldatýdy usyndy.
Budan ózge, kıikterdiń sanyn arttyrý sharalary qabyldanýda. Búginde janýarlardyń sany 108 myńnan 152 myńǵa deıin ulǵaıdy.
Vıse-mınıstr balyq sharýashylyǵyn damytý salasynda negizgi mindet sý qoımalarynyń bıologııalyq áralýandyǵynyń tómendeýine jol bermeý bolyp tabylatynyn jetkizdi. Paıdalanýshylardy mindetteıtin normany engizý, balyq aýlaýǵa úılesimdi bólingen kólemde balyq jiberýdi júzege asyrý usynyldy.
Sońynda ortasha merzimdi perspektıvada bıologııalyq resýrstar boıynsha tujyrymdamalyq qujat ázirleý máselesi qaraldy. Onda ózara baılanysty salalardy damytý — orman sharýashylyǵy jáne aǵash óńdeý ónerkásibi, eldi mekenderdi kógaldandyrý, jasyl aımaqtar qurý jáne aǵash ósirý, jalpy bıologııalyq áralýandyqty saqtaý máseleleri kórinis tabady.
Sondaı-aq otyrys barysynda «Ertis ormany» memlekettik orman tabıǵat rezervatynyń bas dırektory Qýandyq Baıbolov, Shyǵys Qazaqstan oblysynyń Joǵarǵy Úbi orman sharýashylyǵynyń dırektory Grıgorıı Chemodanov, Aqmola oblysynyń ákimi Málik Myrzalın, Atyraý oblysynyń ákimi Nurlan Noǵaev, Premer-Mınıstrdiń orynbasary — aýyl sharýashylyǵy mınıstri Asqar Myrzahmetov sóz sóıledi.