Ońtústik Qazaqstan oblysynyń sapaly et eksporttaý áleýeti artyp keledi. Buǵan deıin býferli aımaqta bolyp kelgen Ońtústik Qazaqstan oblysy taıaýda aýsyldan azat aımaq mártebesin ıelendi. Bul agrarly aımaqtyń etti eksporttaýdaǵy shekteýlerdi joıyp, jańa naryqqa jol ashyp otyr.
Máselen, osy jyldyń segiz aıynda óńirden 330 tonnadan astam iri qara mal men qoı eti jáne «Ordabasy qus» JShS-gi somasy 1 mlrd. 708 mln teńge bolatyn 2 485 tonna kúrke taýyq etin alys-jaqyn shetelderge eksporttalǵan.
Jalpy aımaqta bıylǵy jyldyń on aıynda 173,2 myń tonna et óndirilgen.
О́ńirdiń eksporttyq áleýetin arttyrý boıynsha Iran Islam Respýblıkasyna júgeri men qoı etin tasymaldaý máselesi boıynsha qarqyndy jumystar júrgizilip jatsa, búginde Saýd Aravııa, BAÁ men Irak memleketterine qoı etin eksporttaý boıynsha aldyn-ala kelisimder bar.
Bul baǵyttaǵy jumystar Elbasynyń Ult jospary – bes ınstıtýsıonaldyq reformasyn júzege asyrýdyń 100 naqty qadamynyń 61 qadamynda kórsetilgen et óndirisi men óńdeýdi damytý úshin strategııalyq ınvestorlardy tartý boıynsha atqarylǵan jumystardyń nátıjesi.
Aıta keteıik, 2016 jyly oblystan etke 6 700 bas usaq mal, 400 bas iri qara mal men 200-ge tarta jylqy eti eksporttaldy. Onyń ishinde «Qaıyp Ata» JShS Birikken Arab Ámirliginiń MYCo Trading FZE kompanııasymen birlese otyryp 2000 bas qoıdy Fýdjeıra qalasyna jetkizgen. Sonymen qatar, jylyna 3 myń tonna qoı etin eksporttaý boıynsha Irandyq GO HARD TALAYI PASARGAD kompanııasymen kelisim-shart túzilgen.
Jalpy Ońtústik Qazaqstan oblysynda mal sharýashylyǵy baǵytynda ósim baıqalady. Máselen, iri qara maldyń sany ótken jyldyń tıisti kezeńimen salystyrǵanda 5,9 paıyzǵa artyp 925,6 myń basty, qoı men eshki 1,2 paıyzǵa artyp 4 mln 092 myń basty, jylqy 19,7 paıyzǵa kóbeıip 285 myń basty, túıe 6,8 paıyzǵa, ıaǵnı, 25,5 myń basty, al qus sany 2,3 paıyzǵa kóbeıip 2,5 mln basty quraǵan.