Kelesi jyly Qaraǵandy oblysynyń jurtshylyǵy ataqty oıshyl Buqar jyraý Qalqamanulynyń 350 jyldyǵyn atap ótedi. Sharalarǵa daıyndyq qazirden bastalyp, Buqar Jyraý aýdanynyń ákimdiginde uıymdastyrý komıtetiniń birinshi otyrysy ótti, dep jazady Ruh.kz saıtynda.
Merekelik sharalardy 2018 jyldyń tamyzynda ótkizý usynylyp, ol ótetin oryndy aýdan jurtshylyǵy áli talqylaý ústinde. Naqty sheshimdi jergilikti aqsaqaldardyń pikirine súıene otyryp jasaý kózdelip otyr. Mereıtoıǵa oraı «Buqar jyraý» ensıklopedııasyn qaıta basyp shyǵarý, respýblıkalyq aıtys, ǵylymı-tájirıbelik konferensııalar uıymdastyrý, telebaǵdarlamalar sıklin jasaý josparlanǵan.
«Otyrys barysynda búgingi tańda Buqar jyraý týraly birde-bir pesa men fılm joq ekeni atap aıtyldy. Uıymdastyrý komıtetiniń ókilderi tek mereıtoılyq sharalar týraly ǵana emes, sonymen qatar aýdannyń eldi mekenderin abattandyrý qajettiligin de talqylady», delingen habarlamada. Aıta keteıik, Buqar jyraý Qalqamanulynyń 350 jyldyq mereıtoıyn ótkizýge arnalǵan Qoǵamdyq qor qurylatyn boldy.