Qarýly Kúshterdegi jańa jobalar

­ Bıylǵy jyl da Qazaqstan Qarýly Kúshteri úshin me­reı­li boldy dep aıtýǵa to­lyq negiz bar. Jyl basynan­ beri Qazaqstan áskeriniń qa­ty­sýymen ótken irili-usaq­ty oqý-jattyǵýlardyń ále­ýe­ti­mizdi aıqyndap ber­ge­ni sózsiz. Bir mezette bes memlekettiń aýmaǵynda ótki­zilgen Halyqaralyq armııa oıyn­darynda da juldyzymyz janyp, júldeli orynǵa kó­terilýimiz, aldymen Qarýly Kúsh­terdiń qaýqarynyń qaı deńgeıde ekenin dáleldese kerek. Bul saıdyń tasyndaı saıypqyrandarymyzdyń tók­ken teri men janqııarlyq eń­beginiń nátıjesi. Baǵzy zamannyń bahadúr jyraý­larynsha qaıyrsaq, «tún qa­typ júrip, tús qashpaı» jaýyngerlik kezekshilik atqa­ratyn «ár sardar men sarbaz biz­diń jalǵyzymyz!».

Qarýly Kúshter úshin de jyl­jabar shaqta ótken kezeńde atqarylǵan is-sharalardy saraptap, taldaý jasaý zańdylyq. Áńgimemizdiń basynda erekshe bólip aıtqan jaýyngerlik daıarlyq, oǵan qosa áskerı tár­tip, áskerılerdiń áleýmettik qam­tamasyz etilý máseleleri kún tártibinen eshqashan tús­ken emes. Qalam ustaǵan árip­tes­terimiz de áskerdiń tynys-tir­shiligi men ondaǵy jylt etken ja­ńalyqtardy jarysa jazyp keledi. Biz osy jyl boıy atqarylǵan is-sharalardyń ishinen eldi eleń etkizerlik jańa­lyq bolǵan birer taqy­ryp­qa ǵana toqtalmaqpyz.

Jastar – qoǵamnyń kúre­tamyry. Qazirgi tańda jas urpaqty qazaqstandyq patrıo­tızm rýhynda tárbıeleý, olar­dyń arasynda áskerı-qol­danbaly sport túrlerin dárip­teý, sportqa baýlý hám salamatty ómir saltyn nasıhattaý Qarýly Kúshterdiń basty ustanymyna aınalyp otyr.

Qorǵanys mınıstrliginiń resmı málimetine súıensek, soń­ǵy jyldary elimizdegi áskerı-patrıottyq klýb­tar­dyń sany 13 esege kóbeı­se, ­oqýshylardy áskerı-pat­­rıot­­tyq sharalarǵa tartý­ 70 paıyzǵa deıin artqan. Osy­dan-aq, jastardyń bos ýa­qyttarynda bilim alyp, áskerı isti meńgergisi keletinin ońaı ań­ǵarýǵa bolady.

Sonymen qatar bul Qor­ǵa­nys vedomstvosy basshy­ly­ǵynyń bolashaq el qorǵan­daryna tárbıe berý saıasatyn túbegeıli ózgertkendigin bil­d­iredi. Qarýly Kúshterdiń muryndyq bolýymen óske­leń urpaqqa áskerı-patrıot­tyq tárbıe berý baǵytynda atqarylyp jatqan jumystar­dyń aýqymy jyl ótken saıyn ulǵaıyp, sapasy artyp keledi. Onyń jarqyn mysaly retinde jyl saıyn maýsym aıynda «Astana» óńirlik qolbasshylyǵynyń «Spassk» oqý-jattyǵý ortalyǵynda óte­­­tin memlekettik deńgeıdegi «Aıbyn» áskerı-patrıottyq jastar jıynyn aıtýǵa bolady.

Bıyl tuńǵysh ret halyqaralyq deńgeıde ótkizilgen jas patrıottar jıyny Qazaqstan Qarýly Kúshteriniń álem aldyndaǵy mártebesin taǵy bir ósirip tastaǵany sózsiz. Bastysy, Máńgilik elge tirek bolar Uly dalanyń bolashaq sardarlary men sarbazdaryna laıyqty tárbıe berip jatqanymyz qýantady. Uly murat jolyndaǵy ıgi sharalar osyndaı bolsa kerek.

Qazaq halqy úshin qalam men qarý qashanda qa­nattas uǵymdar. Bastaýyn jaýyn­gerlik jyraýlar poezııasynan alyp, altyn arqaýy Baýyr­jan Momyshulyna deıin ulas­qan áskerı taqyryp HHI ǵasyr­da da jalǵasyn taýyp­ keledi. Bıyl Qazaqstan Qarý­ly Kúshteri óziniń shırek ǵasyr tarıhynda tuńǵysh ret res­pýblıkalyq deńgeıdegi bas­pasóz festıvalin jarııalap, jýr­nalısterdi dúbirli dodaǵa shaqyrdy.

«Ásker Medıa – 2017» dep ata­latyn bul baıqaý shyn má­nin­de Otan qorǵaýshylardyń ashyqtyǵyn, olardyń jumy­synyń buqaralyq aqparat qural­dary ókilderimen ózara úıle­sim taýyp jatqanyn dá­lel­deı aldy deýge tolyq ne­giz bar. Atalǵan festıval eli­mizdiń medıa-ortasynda aı­tarlyqtaı bedelge ıe boldy de­sek artyq aıtqandyq emes. Festıval aıasynda buqaralyq aqparat quraldarynda Qarýly Kúshterdiń qyzmeti, ondaǵy áskerı qyzmetshilerdiń azamat­tyq kelbeti bilikti ári dáıekti túrde jarııalandy. Bul bastama, sonymen birge qoǵamnyń tól áskeri týraly jaǵymdy kózqarasyn qalyptastyrýǵa da oń áser etkeni sózsiz. Negizinen, atalǵan joba osyndaı bas­ty erekshelikteri arqyly óz údesinen shyǵa bilgenin bólip aıtý kerek.

Sonymen, baıqaýǵa elimiz­diń túkpir-túkpirinen 9 atalym boıynsha 200-ge jýyq avtor ótinim berse, kelip túsken mate­rıaldardyń sany 300-ge jýyqtaǵan. Baspasóz ben televızııa salasynyń maıyn ishken kileń «sen tur, men ataıyn» myqtylardan quralǵan qazylar alqasy osy ótinim berý­shilerdiń arasynan 50 avtor­dyń jumysyn aqtyq synǵa laıyq dep bólip alyp shyq­qan bolatyn. Topjarǵany – 9.

Osy jerde áskerı orta men jalpy qoǵamnyń aıtarlyqtaı qyzy­ǵýshylyǵyn týdyrǵan bul jobany bolashaqta ha­lyq­aralyq deńgeıde uıym­dastyrsaq qalaı bolar eken degen de usynystardyń bolǵa­nyn aıta ketken jón. Nesi bar, eldiń atyn shyǵarar er­ler barda kez kelgen baıraq­ty básekede atymyz ozary aıan ǵoı.

Halyqaralyq qo­ǵam­dastyqty Qazaqstan Res­pýblıkasy Qarýly Kúshte­ri­niń jetistikteri týraly naq­ty ári shynaıy derektermen aqparattandyrýǵa laıyqty úlesimizdi qosyp jatsaq, ol­ quptarlyq is. Ári ondaı aýqym­dy sharany Qorǵanys mınıstrligine qarasty Aqpa­rat jáne kommýnıkasııalar de­pa­rtamentiniń kreatıvti bas­shylary joǵary deńgeıde uıymdastyryp, ótkizeri daý­syz.

Sonymen qatar, bıylǵy qarasha aıynyń alǵashqy onkúndigi Qarýly Kúshter úshin qarbalasqa toly bol­dy­. Astanada joǵaryda sóz bolǵan «Ásker Medıa» fes­tı­valiniń qorytyndysy shy­ǵaryldy. Komandırler men olardyń tárbıe jáne ıdeo­logııalyq jumystar jónindegi orynbasarlary Qorǵanys mınıstrliginiń áskerı alqa otyrysynda bas qosty. Oǵan olarmen ótkizilgen oqý-­ádistemelik jıyndardy qo­syńyz.

Qarýly Kúshterdiń Ult­tyq áskerı pa­trıot­tyq­ ortaly­ǵynda Qa­zaq­stan Respýblıkasy Qa­rý­ly Kúshteri Bas shtaby bas­ty­ǵynyń orynbasary general-maıor Muhamedjan Tala­sovtyń jetekshilik etýimen ás­kerı qyzmetshilerdiń otbasy múshelerimen jumystyń uıym­dastyrylýy boıynsha jıyn ótkizildi. Bul bir qaraǵanda kóp jıyndardyń biri sııaqty kóringenimen, negizinen buny Qarýly Kúshterdegi jańa bas­­tama dese bolady. «Otan otba­synan bastalady» degen qaǵıdaǵa súıensek, bul ıns­tıtýttyń bereri kóp bolmaq.

Qazaqstan Respýblıkasy Qorǵanys mınıstriniń buı­ryǵy negizinde 2017 jyly ás­kerı qyzmetshilerdiń otba­sylarynda moraldyq-psı­hologııalyq klımatty ny­ǵaı­tý, olardyń rýhanı-adam­­­gershilik jáne mádenı-tur­mystyq qajettilikterin qa­naǵattandyrý maqsatynda Qarýly Kúshterdiń áskerı bó­limderi men mekemelerinde áskerı qyzmetshilerdiń otbasy múshelerimen jumystyń uıymdastyrylýy boıynsha qyzmetter qurylǵan bolatyn.

Jańa jobanyń áskerimizdiń jaýyngerlik qabiletin nyǵaı­týǵa qosar úlesi keler kúnniń enshisinde. Tek, jańa jobaǵa janashyrlyq tanytsaq bol­ǵany.

Muharbek MAHAMBET, podpolkovnık