Keshe QR Parlamenti Májilisiniń Tóraǵasy Oral Muhamedjanovtyń jetekshiligimen palata bıýrosynyń otyrysy ótti. Onda aldaǵy aptada Májilistiń jalpy otyrysyna shyǵarylatyn máseleler sarapqa salyndy, dep habarlady palatanyń baspasóz qyzmeti.
Ekonomıkalyq reforma jáne óńirlik damý komıteti «Indýstrııalyq-ınnovasııalyq qyzmetti memlekettik qoldaý týraly» jáne soǵan sáıkes ilespe zań jobasyn birinshi oqylymda qaraýdy usyndy. Al Halyqaralyq ister, qorǵanys jáne qaýipsizdik komıtetiniń usynysymen «Materıaldyq emes mádenı murany qorǵaý týraly konvensııany ratıfıkasııalaý týraly» zań jobasy jalpy otyrystyń kún tártibine engiziletin boldy.
Palatanyń Zańnama jáne sot-quqyqtyq reforma keıbir zańnamalyq aktilerge zııatkerlik menshik máseleleri boıynsha tolyqtyrýlar engizýdi kózdeıtin zań jobasynyń ekinshi oqylymda depýtattar talqysyna shyǵarylatynyn habarlady.