Pavlodarlyq kásipkerlerdiń qyzmetkerlerge tólemegen eńbekaqysy 9,7 mıllıon teńgeni quraıdy. Bul týraly oblystyq Eńbek basqarmasynyń basshysy A. Qapanov málimdedi.
Jıyn barysynda jumysshylaryna eńbek qaryzdary tólenbegen óndiris oryndary ataldy. Olardyń qatarynda «VıK-LTD» fırmasy JShS – 3,8 mıllıon teńge, «Nur-Pavlodar» JShS (1,2 mıllıon teńge), «Servıs-Stroı-Rekonstrýksııa» JShS ( 0,3 mıllıon teńge), «Vegas-Pavlodar» JShS (1,5 mıllıon teńge) jáne «Ek Alpar» JShS ( 2,9 mıllıon bar) bar. Al budan buryn óńirde jalaqy boıynsha 132 kásiporynda 132 jumysshynyń 309,7 mıllıon teńge kóleminde eńbekaqysy tólenipti. Eńbek tólmegen joǵaryda atalǵan kásiporyndardyń basshylaryna 11,4 mıllıon teńge kóleminde aıyppul salynǵan.
Al, oblystyq memlekettik kirister departamentiniń málimetinshe, bankrotqa ushyraǵan ári óz qyzmetin toqtatqan 6 kásiporynda eńbekaqy tóleý qaryzy 23,3 mıllıon teńgeni quraıdy. Bul tizimde oblys ortalyǵyndaǵy «ADS», «HARITON», «Musa Impeks», «Ýnıstroı PV», «S TERMINAL LTD» jáne «Green Haus-Pavlodar» JShS-lardyń 2011-2016 jyldar aralyǵynda 177 jumysshyǵa eńbekaqy tólemegeni de anyqtalǵan.
Farıda Byqaı,
«Egemen Qazaqstan»
Pavlodar