Otandyq júzinshi teplovoz

«Lokomotıv quras­ty­rý zaý­y­t­y» AQ 100-shi teplovozdy qu­rastyryp shy­ǵardy. Otan­­dyq lokomotıv shy­ǵa­rý údemeli ın­dýs­trııalyq-ın­no­vasııalyq damý baǵdar­la­ma­sy aıasynda jú­ze­ge asyrylýda. «QTJ» UK» AQ-tyń enshiles kásip­orny «Lokomotıv quras­ty­rý zaýyty» AQ elimizdegi aýyr mashına jasaý salasynyń qar­lyǵashy bolyp tabylady. Nómiri 0100-shi teplovoz 18 túrli synaqtan súrinbeı ótti. Endi oǵan «Qazaqstan te­mir joly» ulttyq kom­pa­nııa­sy» AQ-tyń elý shaqy­rym­dyq ma­gıstraldyq jelisinde synaq­tan ótý qaldy. Bul synaqtan da súrinbeı ótse, Aqtoǵaı stansa­sy­nyń lokomotıv paıdalaný depo­sy­nyń parki quramyna kiredi. Sóıtip, Aqtoǵaı – Semeı baǵytynda júk poıyzyn alyp júretin bolady. Qazaqstandaǵy aýyr mashına jasaý salasynyń tuń­ǵyshy «QTJ» UK» AQ-tyń enshiles kásiporny «Lokomotıv qurastyrý zaýyty» AQ 2009 jylǵy shildeniń 3-inde iske qosylǵan bolatyn. Elimizde alǵashqy lokomotıvti qurastyrý bes aıdan astam ýaqytty alǵan bolsa, qazir zaýyt qabyrǵasynan aıyna TEZZA úlgisindegi júk lo­ko­motıviniń 6-8-i shyǵarylady. Mundaı kórsetkishti turaqty ustap turý úshin zaýyt eńbek­kerleri úsh aýysymda táýlik boıy ter tógedi. Búginde kásiporynda otan­dyq temir jol kóligi ma­shı­nasyn shyǵaryp qana qoımaı, qazaqstandyq ónim túrlerin de kóbirek tartýǵa den qoı­ylý­da. Munda qarashanyń or­tasyna qaraı otandyq ónimdi ıgerýdiń ekinshi kezeńine kósh­pek. Osylaısha qazaq­stan­dyq taýarlar men qyzmet túrlerin satyp alý kór­setkishi 2012 jyldyń úshinshi toqsanyna deıin 32 paıyzǵa jetkizilmek. Ábdirahman QYDYRBEK, Astana.