Din isteri jáne azamattyq qoǵam mınıstrliginiń Din isteri komıteti janynan qurylǵan Din isteri jónindegi respýblıkalyq aqparattyq-nasıhattaý toby Almaty qalasynda aqparattyq-nasıhattaý jumystaryn júrgizdi.
Semınarlar men kezdesýlerde kún tártibine qoıylǵan basty másele ̶ óńirdegi dástúrli emes dinı aǵymdarmen qarsy kúres sharalaryn keshendi júrgizý. Delegasııa quramyna atalǵan saladaǵy jetekshi mamandar men sarapshylar kiredi. Olardyń qatarynda: Din isteri komıtetiniń dintaný saraptamasy basqarmasynyń jetekshisi - Balǵabek Myrzaev, Ǵylymı qyzmetker, «Nur-Múbarak» ýnıversıtetiniń oqytýshysy- Tadjıbaev Serik, Mádenıetter men dinderdiń halyqaralyq ortalyǵynyń bólim jetekshisi- Abýov Turar, Fılosofııa, saıasattaný jáne dintaný ınstıtýtynyń ǵylymı qyzmetkeri - Murat Sumaǵulov bar.
Kún tártibindegi kóptegen semınarlar men kezdesýler, qaladaǵy sharalar kesheni dástúrli emes dinı aǵymdardyń taralýyna qarsy is-qımyl júrgizýge baǵyttalǵan. Ásirese, dástúrli emes dinı aǵymdardyń jaqtaýshylaryna erekshe nazar aýdarylyp, jeke túsindirý jumystary júrgizildi. Sarapshylar Almaty qalasyndaǵy meshitter men bazarlar jáne vokzaldarda osy sanattaǵy azamattarmen jeke áńgimelesti.
Sondaı-aq, osyndaı kezdesýler túzetý mekemelerindegi sottalǵandarmen onyń ishinde dástúrli emes dinı aǵymdardyń jaqtaýshylarymen de bolyp ótti. Buǵan qosa, túsindirý jumystary qaladaǵy jalpyǵa ortaq bilim beretin mektepterde dinı kıim kıetin oqýshylardyń ata-analarymen de júrgizildi.
Kezdesý barysynda, Balǵabek Myrzaev Qazaqstanda musylman meshitteriniń munaralary, hrıstıan hramdary men ıýdeılik sınagogalardyń kúmbezderi ̶ beıbit qatar ómir súrý úshin Qazaqstan beıbitshilik jáne toleranttylyqty negiz etip keletindigin tilge tıek eti. Sondaı-aq, ol musylman álemi jáne Batys álemi arasyndaǵy ashyq jáne ádiletti únqatysýdy barynsha jandandyrý kerektigin de sóz etti.
«О́tken myńjyldyqtyń orta ǵasyrlaryndaǵy Islam, álemdik ǵylym men mádenıettiń damýyna edáýir salym saldy. Islam oıshyldary dinı ǵylymdarmen qatar adam biliminiń basqa da gýmanıtarlyq jáne tabıǵı salalarynyń órkendetti. Bul ̶ fálsafa, matematıka, medısına, astronomııa, geografııa. Búgin musylmandar sol dáýirdegi jaǵdaıyna qaıta jetý úshin bilim men ǵylymdy ıgerýge umytylýy kerek», ̶ dedi Din isteri komıtetiniń dintaný saraptamasy basqarmasynyń jetekshisi.
Atalǵan taqyryptaǵy dáristerdi «Saýran-ıslam mádenıet ortalyǵy mekemesi», «Imanı Gúl» áıelder jamaǵaty, «Shańyraq» ońaltý ortalyǵynyń tárbıelenýshileri tyńdady.
Jalpy alǵanda, halyqtyń dinı saýattylyǵyn arttyrýdy maqsat etken is-sharalarǵa Almaty qalasynyń turǵyndary, óńirdegi qoǵamdyq keńestiń músheleri, memlekettik jáne quqyq qorǵaý organdary, din, BAQ, eńbek ujymdary, oqytýshylar, muǵalimder, stýdentter, jáne de oqý oryndarynyń qyzmetkerleri qatysty.