Qazaqstan jastar quramasynyń shabýyldaýshy jartylaı qorǵaýshysy Iýrıı Persýh Qazaqstannyń tórt dúrkin chempıondary «Astana» fýtbol klýbymen eńbek shartyna qol qoıdy.
Iýrıı Almatynyń SSKA-synyń tárbıelenýshisi. Ol 17 jasynda kásibı fýtbolda debıýtti kezdesýin ótkizgen. Persýh óziniń tálim alǵan klýbynan bólek, Birinshi Lıgada elordalyq «Báıterek» jáne petropavldyń «Qyzyl Jar SK» sapynda óner kórsetken. 2017 maýsymda 21 jasar jartylaı qorǵaýshy oraldyń «Aqjaıyq» komandasynda Qazaqstan Premer-Lıgasynda óner kórsetti. Osy maýsymda Persýh klýb sapynda Premer-lıga men Qazaqstan Kýbogynda 26 match ótkizip, 2 gol soǵyp, 3 nátıjeli pas bergen. Bul kórsetkish boıynsha komandadaǵy eń úzdikterdiń biri boldy. Iýrıı 17 jasqa deıingi Qazaqstan jasóspirimder quramasynyń sapynda óner kórsetip, osy maýsymnan bastap jastar quramasyna shaqyrtý aldy. Ol jasóspirimder quramynda 9 oıyn ótkizip, onyń beseýin Eýropa chempıonatynyń irikteý kezeńinde ótkizgen.