Mysyrdyń Sınaı jartylaı aralynyń soltústiginde terrorshylardyń meshitke shabýyldaýynan 235 adam qaza tapty.
Shabýyl Soltústik Sınaı provınsııasynyń astanasy El-Arıshadan batysqa qaraı 30 km qashyqtyqta Er-Raýda eldi mekeninde, juma namaz kezinde uıymdastyrylǵan.
Terrorshylar meshitti jol talǵamaıtyn 4 kólikpen qorshap alyp, jamylǵysh zatty namaz oqyp jatqan adamdardyń ortasyna tastap, jaryp jiberip, artynan olarǵa qaraı oq jaýdyrǵan. Habarlamada shabýyldaýshylardyń jaraqat alǵan adamdardy alyp ketýge kelgen jedel járdem kólikterine de oq atqandyǵy aıtylady.
Soltústik Sınaı provınsııasynyń barlyq aýrýhanalary men medısınalyq mekemelerinde tótenshe jaǵdaı jarııalandy. El áskeri men polısııa qyzmetkerleri aımaqty tekserý sharalaryn júrgizip jatyr.Osy oqıǵaǵa baılanysty Mysyr prezıdenti Abdel Fattah as-Sısı Ulttyq qaýipsizdik keńesiniń shuǵyl májilisin ótkizdi jáne oǵan eldiń barlyq kúsh-qýat qurylymdary qatysty. Ishki ister mınıstrligi terakt boıynsha tekserý jumystaryn júrgizýmen aınalysatyn arnaıy komıssııa qurdy. Sonymen qatar polısııa meshitter men shirkeýlerdi qosa alǵanda barlyq mańyzdy memlekettik nysandarǵa kúzetti kúsheıtti. Elde memleket basshysynyń tapsyrmasymen terrorıstik akt qurbandary úshin úsh kúndik aza tútý kúnin jarııalady.