Búgin Almaty oblysy Taldyqorǵan qalasy mańyndaǵy Syrymbet aýylynda «Jalaıyr Shora» qusbegilik mektebiniń qurylǵanyna 30 jyl tolýyna oraı «Sonar – 2017» halyqaralyq qansonar ótip jatyr, dep habarlaıdy egemen.kz tilshisi.
Aıtýly sharaǵa 48 búrkit, 4 qarshyǵa, 4 ıtelgi qatysýda. Qytaıdan 3, Mońǵolııadan 2 búrkitshi kelse, qalǵany Qazaqstannyń túkpir-túkpirinen keldi.
Keshe qansonardyń qolǵa shaqyrý, shyrǵaǵa túsirý bólimi ótip, odan iriktelip shyqqan qyrandar búgin qoıanǵa salý boıynsha bəsekege tústi. Nətıjede 7 búrkit fınalǵa shyǵyp, erteń jarystyń túlkige salý bóliminde baq synasady. Al, qarshyǵa jəne ıtelgi qyrandary óz aldaryna jeke-jeke jarysqa túsedi. О́ıtkeni, qarshyǵa kepterdi sheńgeldeı syǵyp ustasa, ıtelgi tepkinmen alady. Sondyqtan da qarshyǵa men ıtelgi bólek jarysqa túsip otyr. Sondaı-aq, bul sonarda tek búrkitshiler arasynda tuńǵysh ret asaý úıretý, teńge ilý, qyzqýý, sadaq atý, aýdaryspaq, kókpar tartý boıynsha jarys ótkizilýde. Buǵan dástúrli án men kúı saısy da qosylyp otyr.
Elbasynyń «Bolashaqqa baǵdar: rýhanı jańǵyrý» maqalasynda alǵa qoıylǵan maqsattardy júzege asyrý negizinde ótip jatqan sonardy Qazaqstan Respýblıkasy Mədenıet jəne sport mınstrligi Sport jəne dene shynyqtyrý komıtetiniń, Ulttyq sport túrleri qaýymdastyǵynyń jáne «Qansonar» ańshylardyń qoǵamdyq birlestikteri men ańshylyq sharýashylyǵy sýbektileriniń respýblıkalyq qaýymdastyǵynyń qoldaýymen Almaty oblystyq týrızm, dene shynyqtyrý jəne sport basqarmasy men «Qyran» federasııasy uıymdastyryp otyr.
Sonardyń ashylýynda memleket jəne qoǵam qaıratkerleri, ulttyq sport qamqorshylary Oralbaı Əbdikərim, Qanat Ahmetov, alashshyl aqyn, «Dəstúr» jýrnalynyń bas redaktory Qasymhan Begmanov jəne «Jalaıyr Shora» qusbegilik mektebiniń irgetasynyń qalanýynan bastap basy-qasynda júrgen, búginde atalmysh mekteptiń jetekshisi, ultymyzdyń qusbegilik óneriniń qaıta jańǵyryp, damýyna eseli eńbek sińirip kele jatqan qazaqtyń qaıratker qyzy, «Qyran» federasııasynyń atqarýshy dırektory Baǵdat Múptekeqyzy sóz sóılep, qatysýshylarǵa səttilik tiledi.
Qandybalaq qyrandardyń qyzyqty jarysy erteń aıaqtalady.
Ularbek NURǴALYMULY,
«Egemen Qazaqstan».
Almaty oblysy, Syrymbet aýyly