Ulybrıtanııa qazynashylyǵynyń basshysy Fılıp Hemmond 2017 jylǵy bıýdjet qarjysynyń jumsalýy jóninde esep berip, memlekettiń aldaǵy ýaqytqa josparymen bólisti. Keltirilgen derekterge súıensek, koroldiktiń damý qarqyny bıyl báseńdegen.
Ulttyq statıstıka departamenti júrgizgen zertteýge saı, 2017 jylǵy qazanda memlekettiń salanyń qaryzy 500 mıllıard fýntqa ósip, segiz mıllıardqa jetken. Sarapshylar eldegi tapshylyq kóleminiń ulǵaıýyn «Breksıtpen» baılanystyrady. The Guardian basylymy bıýdjettegi shyǵynnyń ulǵaıýy týraly málimettiń F.Hemmond esebimen tuspa-tus kelýi jaǵdaıdyń qyzý talqylanýyna ákelip soqty dep esepteıdi.
Aldaǵy jyldarǵa jasalǵan jospar boıynsha, qazynashylyq birqatar ózgeristi júzege asyrmaq. Máselen, bos turǵan úılerge salynatyn salyqty 100 paıyzǵa deıin ulǵaıtý kózdelgen. Sondaı-aq «Breksıtti» aıaqtaý úshin memleket qazynasynan 3 mıllıard fýnt sterlıng bólinedi. Eń tómengi jalaqy mólsheri saǵatyna 7,83 fýnt sterlıngke kóbeıedi. Budan bólek, josparda birqatar jańalyqtar bar.
The Guardian gazeti bıýdjetti josparlaý keıbireýlerge tıimdi, kelesiler úshin qolaısyz bolǵanyn aıtady. Basylymnyń pikirinshe, «Breksıtti» josparlaýshylar, úı satyp alýshylar, muǵalimder sekildi birqatar sala mamandary bıýdjet josparynyń qyzyǵyn kórmek. Esesine úı salýshy kompanııalardyń úlesi aıtarlyqtaı azaımaq. Bıýdjet josparymen tanysyp shyqqan BBC arnasy aldaǵy birneshe jylda Ulybrıtanııa halqy úshin ómir súrý deńgeıi tómendeıtinin aıtyp otyr. О́ıtkeni jańa jobaǵa saı eldegi damý qarqyny aldaǵy 5 jylda 2 paıyzdan aspaıdy.
Sholýdy ázirlegen Abaı ASANKELDIULY, «Egemen Qazaqstan»