Ortalyq kommýnıkasııalar qyzmeti alańynda Bas prokýratýranyń bastamasymen jáne Prezıdent Ákimshiliginiń, Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń qoldaýymen ótetin «Rýhanı jańǵyrý – patrıotızm negizi» atty vedomstvoaralyq baıqaý jaıly brıfıng ótti.
Jıynǵa Bas prokýrordyń keńesshisi – aǵa kómekshisi Nurgúl Qaraǵoıshına, Qarýly Kúshter Bas shtaby Tárbıe jáne ıdeologııalyq jumystar departamentiniń bastyǵy Qaısar Muǵalov, Ishki ister mınıstrligi Memlekettik til jáne aqparat departamentiniń dırektory Almas Sadýbaev, Sybaılas jemqorlyqqa qarsy is-qımyl Ulttyq bıýrosy Ákimshilik quqyq departamentiniń basqarma bastyǵy Qýanysh Myrzaǵalı qatysty.
Atalmysh baıqaýǵa – Bas prokýratýra, Ulttyq qaýipsizdik komıteti, Ishki ister mınıstrligi, Qorǵanys mınıstrligi, Memlekettik qyzmet isteri jáne sybaılas jemqorlyqqa qarsy is-qımyl agenttigi, Memlekettik kúzet qyzmeti ókilderinen qurylǵan 6 komanda qatysatynyn atap ótken jón.
«Saıysqa qatysatyn komandalar 2 aınalym boıynsha synǵa túsedi. Onyń birinshisi – memlekettik organnyń qyzmeti jáne rýhanı jańǵyrý aıasynda atqarylyp jatqan naqty isterge negizdelgen tanystyrý men beınebaıan syndy eki bólimnen tursa, al ekinshisi – «Rýhanı jańǵyrý – patrıotızm negizi» atty sahnalandyrylǵan kórinisten turady. Jeńimpazdardy qoǵam qaıratkeri Myrzataı Joldasbekov bastaǵan qazylar alqasy anyqtaıdy», dedi Nurgúl Qaraǵoıshına.
Raýan QAIDAR,
«Egemen Qazaqstan»