Oblys ortalyǵynda ashylǵan jańa kópir uzyndyǵy 87, eni 4 metrdi quraıdy.
Qýaty 60 tonna júk alyp ótýge jetedi. Kópirdiń qurylysyn «QazAvtoJol» AQ jergilikti bólimshesi, «Pavlodar ózen porty» AQ jáne «Stalmontaj» JShS tórt aıdyń ishinde bitirdi.
Kópirdiń ashylýyna oblys ákimi Bolat Baqaýov ta qatysty. Ákimdiktiń habarynsha, qurylys bıýdjetten tys qarjynyń esebinen júrgizildi. Qurylysshylardyń aıtýynsha, olar 28 baǵanany ózen arnasyna qadap, olardyń ústinen salynǵan temir beldeýler men qorshaýlarmen bekitipti.
Endi pavlodarlyqtar men qala qonaqtary kópir arqyly Ýsolka ózeniniń arǵy jaǵalaýyna óte alady. Oblystyq ákimdiktiń habaryna qaraǵanda, aldaǵy jyldary bul jerde bıatlon jáne trıatlonǵa arnalǵan oryndar jasalady. О́zen alabyndaǵy 15 gektar jerde etnoaýyl salynady.
Farıda BYQAI, «Egemen Qazaqstan»
Pavlodar