Jetistik te, sheshimin tappaǵan másele de barshylyq

Densaýlyq saqtaý mınıstri S.Qaı­yrbekova Shyǵys Qazaqstan oblysynda bolyp, «Salamatty Qazaqstan» baǵ­dar­lamasynyń óńirde qalaı júzege asyp jatqanyn kórip qaıtty. Ol eń aldymen О́skemendegi bir­qa­tar nysandardy aralap, oblys bas­shy­sy Berdibek Saparbaevtyń tóraǵa­ly­ǵy­men ótken selektorlyq keńeske qa­tysty. Mamandar aımaqtyń medısına salasynda qordalanyp qalǵan prob­lemalardy qyzý talqylady. Mınıstr sondaı-aq, týberkýlezge qar­sy oblystyq dıspanserde boldy. Ve­domstvo basshysymen kezdesýge Aıagóz kenti men Jańa Qanaı aýylynyń qurt aýrýymen kúres bólimsheleriniń bas dárigerleri de shaqyrtylǵan. Bul eki mekemeniń ábden tozyǵy jetken. Kezdesýde Jańa Qanaıdaǵy 250 oryn­dyq týberkýlez bólimshesin kúrdeli jóndeý qajettigi aıtyldy. Aıagózde de osyndaı jaǵdaı. Mamandar mınıstrge týberkýlezge qarsy oblystyq dıspan­ser­diń búgingi jaı-kúıin kórsetti. Ǵı­ma­rat sanıtarlyq normalarǵa saı emes. Qıraýdyń az-aq aldynda tur. Kezdesýde jalpy aýrýhana qurylysyn qolǵa alý máselesi de sóz boldy. ShQO densaýlyq saqtaý basqarmasynyń bastyǵy Erlan Masalımov bul jobalarǵa respýb­lı­kalyq bıýdjetten qarjy bólinýi qa­jet­tigin atap ótti. Budan soń mınıstr jedel járdem aýrýhanasynyń jaqynda qaıta jaraq­tal­ǵan perzenthanasynda boldy. Jedel járdem aýrýhanasyna tıesili bul ǵı­marat sonaý 1956 jyly salynǵan. Ol da eshbir sanıtarlyq normalarǵa saı kelmeıdi. Jóndeýdi qajet etedi. Medı­sınalyq mekemeniń avtokólik parkin de jańartý kerek. Sonymen birge, oblys ortalyǵyndaǵy 300 orynǵa arnalǵan kópsalaly aýrýhananyń qurylysyn da jedeldetý qajettigi aıtyldy. Vedomstvo basshysy sondaı-aq, on­ko­logııalyq dıspanserde, jańadan sa­lynǵan sáýle terapııasy jáne dıagnostıka ortalyǵynda boldy.  Budan soń oblystyq aýrýhanada júrgizilgen jón­deý jumystaryn kórip, osyndaǵy kardıohırýrgııa bólimshesiniń jumysymen tanysty. Sondaı-aq, ol qurylysy uzaq­qa sozylyp ketken Qan quıý orta­ly­ǵynyń búgingi jaı-kúıimen de tanysyp shyqty. Ana men bala ortalyǵynda analar jáne sábıler problemasy talqy­lan­dy. Sońǵy jyldary О́skemende bala týý kórsetkishi ósip keledi. Qazir búldir­shinderdiń qarasy 51915-ke jetti. Demek, sábılerge arnalǵan 200 oryndyq balalar aýrýhanasyn salýǵa zárýlik bar. Onyń jobasy daıyn­dalyp jatyr. Ana men bala ortalyǵynda óńir bas­shysy Berdibek Saparbaevtyń tóraǵa­lyq etýimen selektorlyq keńes ótti. Jıynda Shyǵys óńirdegi densaýlyq saqtaý salasynyń búgingi ahýaly men keleshegi talqyǵa tústi. Osy sapary barysynda mınıstr Semeı qalasynda boldy. Onda «óńirlik onkologııalyq dıspanserdiń, «Radıasııalyq medısına jáne ekologııa ǵylymı-zertteý ıns­tıtýty» memlekettik kommýnaldyq ká­sip­ornynyń, perınataldyq ortalyq­tyń jumysymen tanysqan ol munda atqarylyp jatqan jumystarǵa oń baǵa berdi. Árıne, bul óńirde de sheshimin tabýǵa tıis máseleler shash-etekten desek, onyń bári Semeı dıagnostıkalyq ortalyǵynyń konferensııa zalynda qala dárigerlerimen ótken qorytyndy kezdesýde keńinen sóz boldy. Ońdasyn ELÝBAI. Shyǵys Qazaqstan oblysy.