Búgin Úkimet Qaýlysymen Bolat Oraluly Aqsholaqov Qazaqstan Respýblıkasynyń Energetıka vıse-mınıstri bolyp taǵaıyndaldy, dep habarlaıdy primeminister.kz.
Mınıstrliktiń aktıvine jańa taǵaıyndalǵan vıse-mınıstrdi vedomstvo basshysy Qanat Bozymbaev tanystyrdy.
Eske sala keteıik, 10 qazandaǵy Úkimet otyrysynda QR Premer-Mınıstri elimizdegi benzın baǵasyn retteı almaýyna baılanysty sol kezdegi Energetıka vıse-mınıstri Áset Maǵaýovty qyzmetinen bosatqan bolatyn.
Bolat Aqsholaqov 1971 jyly Atyraý qalasynda dúnıege kelgen. 1993 jyly Qazaq memlekettik basqarý akademııasyn támamdaǵan. Mamandyǵy boıynsha - ekonomıst.
Eńbek jolyn 1994 jyly bastaǵan. 1995-1997 jyldary Ortalyq Azııa yntymaqtastyq jáne damý bankiniń aktıvterdi basqarý bóliminiń mamany, bólim bastyǵy, dırektordyń orynbasary qyzmetin atqardy.
1997-2003 jyldary «Qazaqoıl» UK» JAQ Teńiz jobasy boıynsha aǵa sarapshy, menedjer, departament dırektorynyń orynbasary, Commonwealth & British Services Ltd. bıznes-taldaýshysy, strategııalyq josparlaý jónindegi menedjeri, qarjy dırektory bolyp eńbek etti.
2003-2006 jyldar aralyǵynda - «QazMunaıGaz» UK» AQ BK-da úlesti basqarý jónindegi atqarýshy dırektor.
2006-2008 jyldary Qazaqstan Respýblıkasynyń Energetıka jáne mıneraldy resýrstar vıse-mınıstri bolyp qyzmet atqardy. 2008-2011 jyldary - «Samuryq-Qazyna» UÁQ» AQ basqarýshy dırektory, «PSA» JShS bas dırektory, «QazMunaıGaz»UK» AQ basqarma tóraǵasy boldy. 2012-2014 jyldary - QR Munaı jáne gaz vıse-mınıstri.
2014 jyldyń qyrkúıek aıynan bastap - «AlmexPetrochemical» JShS bas dırektory. 2016 jyldyń aqpan aıynan bastap - «KAZENERGY» Qazaqstan munaı-gaz jáne energetıka kesheni uıymdarynyń qaýymdastyǵy» zańdy tulǵalar birlestiginiń bas dırektory.
«Qurmet» ordenimen marapattalǵan.