Din isteri jáne azamattyq qoǵam vıse-mınıstri Berik Arynnyń tóraǵalyǵymen vedomstvo janyndaǵy Dinı birlestiktermen baılanys jónindegi keńestiń kezekti otyrysy ótti. Oǵan dinı birlestikterdiń, Qazaqstan halqy Assambleıasynyń, memlekettik organdar men úkimettik emes uıymdardyń ókilderi, sonymen qatar dintanýshy-ǵalymdar, qoǵam qaıratkerleri qatysty.
Kezdesý barysynda aımaqtyq DIB jáne din problemalaryn zertteý ortalyqtarymen júrgizilip jatqan aqparattyq-túsindirý jumystary týraly, sondaı-aq Pavlodar oblysynyń din isteri jáne Qyzylorda oblysynyń ishki saıasat basqarmalary basshylarynyń aımaqtyq aqparattyq-túsindirme toptarynyń jumysy týraly esepteri tyńdaldy.
Din isteri jáne azamattyq qoǵam mınıstrliginiń ókilderi turǵyndar arasynda aqparattyq túsindirý jumystaryn ótkizýdiń mańyzdylyǵyn atap ótti. Olardyń aıtýynsha, shara barysynda halyqtyń keń aýqymdy áleýmettik toptaryna, birinshi kezekte jastardyń túrli sanattaryna destrýktıvti jáne radıkaldy dinı aǵymdardyń jaǵymsyz mánin, qaýpin asha otyryp jastardyń boıynda jat ıdeologııaǵa qarsy ımmýnıtet qalyptastyrý boıynsha aldyn alý sharalary qabyldanýda.
Jıyn sońynda keńes músheleri kóterilgen máseleler týraly turǵyndarmen aqparattyq túsindirý jumystaryn júrgizýdiń tıimdiligin arttyrý, dinı ekstremızm men radıkalızmniń aldyn alý úshin úkimettik emes uıymdardyń áleýetin paıdalaný baǵytynda birqatar usynystar jasady.