Aqordanyń baspasóz qyzmeti Nursultan Nazarbaevtyń Belarýs Respýblıkasyna resmı sapary aıasynda Aleksandr Lýkashenkomen ótkizgen ekijaqty kezdesýleriniń qorytyndysy boıynsha beınerolıkti jarııalady.
Keshe Qazaqstan Prezıdenti Nursultan Nazarbaev resmı saparmen Belarýs Respýblıkasynyń astanasy Mınsk qalasyna bardy. Mınskide Memleket basshysy Belarýs Respýblıkasynyń Prezıdenti Aleksandr Lýkashenkomen kezdesti jáne resmı sapar aıasynda keńeıtilgen quramdaǵy kelissózder ótti. Nátıjesinde Nursultan Nazarbaev pen Aleksandr Lýkashenko Qazaqstan men Belarýs arasyndaǵy áleýmettik-ekonomıkalyq yntymaqtastyq týraly shart pen 2026 jylǵa deıingi yntymaqtastyq baǵdarlamasyn bekitken bolatyn. Sondaı-aq, bul kúni Qazaqstan-Belarýs bıznes-forýmy ótip, oǵan eki memleketten 350-ge jýyq bıznes ókili qatysty.
Eki kúnge josparlanǵan sapar aıasynda Memleket basshysy Ujymdyq qaýipsizdik týraly shart uıymy Ujymdyq qaýipsizdik keńesiniń mereıtoılyq sessııasyna qatysady.